Senat veıpterge tolyq tyıym salatyn zańnyń jekelegen baptaryn jańa redaksıada usynyp, Májiliske qaıtardy.
Endi veıpterdi jarnamalaýǵa da shekteý engizilmek. Zań jobasynda elektrondy temekilerge qylmystyq jaýapkershilik qarastyrylǵan, dep habarlaıdy Almaty-akshamy.kz.
Máselen, satqany úshin eń joǵary jaza – 50 táýlikke deıin qamaýǵa alý. Al ákelip, taratqany úshin – 2 jylǵa deıin bas bostandyǵynan aıyrý, qylmystyq top quryp, zańsyz áreketti birneshe ret qaıtalaǵan jaǵdaıda – 5 jylǵa deıin bas bostandyǵynan aıyrý kózdelgen.
Jalpy, sarapshylar elektrondy temeki ókpeni týberkýlez dertimen teń dárejede zaqymdaıtynyn aıtady. Dúnıejúzilik Densaýlyq saqtaý Uıymynyń málimetinshe, 33 memlekette elektrondy temeki satýǵa tyıym salynǵan. Sonymen qatar jıynda depýtattar jóspirimder men balalarǵa energetıkalyq sýsyn túrlerin satpaýdy usyndy. Densaýlyq saqtaý mınıstrliginiń ókili, bul másele áli de qaralyp jatqanyn aıtty.
«Veıpterdiń saýdasy boıynsha qylmystyq jaýapkershilik engiziledi. Kináliler eskertýmen qutylmaıdy. Zań kúshine engennen keıin, satý da, tutyný da qylmys bolady. Jarnamalaýǵa da tyıym salynady», - deıdi QR Parlamenti Senatynyń tóraǵasy Máýlen Áshimbaev.