Almatynyń Jetisý aýdanynyń ákimi halyqty jappaı vaksınalaý KVI pandemıasynan qorǵaıdy dep sanaıdy.
Óńirlik komýnıkasıalar qyzmetiniń baspasóz konferensıasy kezinde Jetisý aýdanynyń ákimi Gúlnar Kókebaeva Almaty turǵyndaryn koronavırýs ınfeksıasyna qarsy vaksınalanýǵa shaqyrdy, dep habarlaıdy almaty-akshamy.kz
Qazirgi kezde Jetisý aýdanynda 8 egý pýnkti jumys isteıdi:
Qulager shaǵynaýdany, 34a (Qulager AMSKO);
Aınabulaq-3 shaǵynaýdany, 87 úı (№11 qalalyq emhana);
Kókjıek shaǵynaýdany, 66 úı (№21 qalalyq emhana);
Súıinbaı dańǵyly, 2 korpýs, 8 korpýs, 2 qabat («Mereı» SK);
Abylaı han dańǵyly, 3 úı, 2 qabat («Altyn Taraz» SK);
Raıymbek dańǵyly, 239 g ǵımaraty, 3 qabat («Maksıma» SOSK);
Avtomobıl joly Soltústik aınalma, úı 3/1 («Adem 2» SO);
Esim han kóshesi, 127a (Mádenıet úıi).
Vaksınany kún saıyn 8.00-den 20.00-ge deıin alýǵa bolady. Dárigerler men epıdemıologtardyń aıtýynsha, vaksına qaýipti ınfeksıalardan jaqsy qorǵaıdy.
Gúlnar Kókebaeva Jetisý aýdanynyń 43 767 turǵyny koronavırýsqa qarsy ekpe alǵanyn atap ótti.
«Jappaı vaksınalaný ujymdyq ımýnıtetti qalyptastyrýǵa kómektesedi. Dertti baqylaýǵa alyp, almatylyqtar pandemıamen oıdaǵydaı kúresýge óz úlesterin qosa alady. Búginde vaksınalaný – árbir azamattyń ózniń jáne ózgelerdiń ómirin saqtaýdaǵy tıimdi qural», - dedi aýdan ákimi.
Gúlnar Kókebaeva aýdan turǵyndaryn adam kóp shoǵyrlanatyn jerlerge barmaýǵa, barlyq sanıtarlyq-epıdemıologıalyq talaptardy saqtaýǵa shaqyrdy. Aýdan ákimi oqshaýlanýǵa jazylǵandar bul talaptardy qatań saqtaýy kerek dep sanaıdy.
«Eger buryn aǵa býynǵa qaýip tónse, qazir bul shtamm jastar arasynda tez taralýda. Osyǵan baılanysty men qala turǵyndaryna ótinish aıtqym keledi. Ekinshi jyl boıy KVI júzdegen myń adamdy óltirýde, jahandyq vaksınasıa – bul pandemıadan qorǵaý», - dedi Gúlnar Kókebaeva.
Eske salsaq, Almatyda ekpe pýnkteriniń sany ulǵaıtyldy, búginde qalada olardyń sany 167. 1038 adamnan turatyn 234 ekpe brıgadasy jumyldyrylǵan.