AQSH prezıdenti Djo Baıden COVID-qa qarsy vaksınalanǵan adamdarǵa 100 dollardan tóleý týraly usynys aıtty, dep habarlaıdy almaty-akshamy.kz Interfax ru silteme jasap.
Qarjy mınıstrliginiń málimetinshe, jańa vaksınalanǵan amerıkandyqtarǵa tólemder «qosymsha yntalandyrý» retinde usynylatyn bolady. Bul qadam «vaksınalaý jyldamdyǵyn arttyrý, qoǵamdy qorǵaý jáne adam ómirin qutqarý» maqsatynda jasalyp otyr.
AQSH-tyń Kalıfornıa shtaty men Nú-Iork qalasy barlyq úkimettik uıymdarǵa COVID-19-qa qarsy vaksına alýdy nemese únemi tekserilip turýdy talap etti. AQSH aýrýlardy baqylaý jáne aldyn alý ortalyqtary vaksınalanǵan jáne vaksınalanbaǵan turǵyndarǵa «delta» shtamyna baılanysty jabyq jerde, ásirese, eldiń epıdemıologıalyq qaýipti aımaqtarynda betperde kıip júrýdi usyndy.
AQSH-ta pandemıa bastalǵaly beri 35 mıllıonnan astam adam COVID-19 ınfeksıasyn juqtyrǵan, 628 myńnan astam adam qaıtys bolǵan.