Plasebo egiledi degen Fake aqparat shyqty.
Áleýmettik jelidegi Telegram kanalynda COVID-19-ǵa qarsy vaksınalanǵan adamdar tájirıbege qatysýshylar bolyp tabylatyny týraly habarlama tarady, dep habarlaıdy Almaty-akshamy.kz. 24.kz-ke silteme jasap.
Onyń sózine qaraǵanda, vaksına saldyrǵandardyń bárine birdeı metal zattar jabyspaıtyny buǵan dálel bola alady. Bul – jalǵan aqparat, dep habarlady stopfake.kz.
Aqparat berýshi vaksınanyń eshqaısysy synaqtan ótpegen jáne maquldanbaǵan dep málimdeıdi. Shyn máninde, búgingi kúni kem degende bir elde 20 vaksına maquldanyp otyr. Vaksınalardyń klınıkalyq synaqtarynyń nátıjeleri ashyq derekkózderde jarıalandy. Mysaly, «Spýtnık V» vaksınasy 60 jastan asqan adamdarda da synaldy. Al Pfizer/BioNTech jáne Moderna preparattary júkti áıelder úshin de qaýipsiz dep tanyldy.
«Keıbir adamdarǵa vaksınanyń ornyna plasebo egiletini de shyndyqqa janaspaıdy. Ekpeni alýdy magnıt sıaqty metal zattardy tartý arqyly tekserýge bolmaıdy. Vaksınalar quramyndaǵy magnıt bólshekter týraly boljamdar birneshe ret teriske shyǵarylǵan. Vaksınalarda magnıttik qasıetteri bar bólshekter joq», - delingen stopfake.kz habarlamasynda.