Elimizde 5,8 mln adam koronavırýs vaksınasyn tolyq aldy
Qazaqstanda koronavırýs vaksınasynyń 2-komponentin 5,8 mln adam saldyrdy, dep habarlaıdy almaty-akshamy.kz Densaýlyq saqtaý mınıstrligine silteme jasap.
«2021 jylǵy 12 qyrkúıektegi málimet boıynsha, Qazaqstanda I komponentpen 7 072 523 adam vaksına saldyrdy, II komponentpen 5 893 619 adam», - delingen habarlamada.
Vaksına saldyrǵandar sany boıynsha Almaty qalasy aldyńǵy orynda, qalada 908 974 turǵyn vaksınanyń birinshi komponentin, 803 036 adam ekinshi komponentin saldyrǵan.
Ekpe alýdan ekinshi orynda - Túrkistan oblysy. Óńirde 801 344 adam koronavırýs vaksınasynyń 1-komponentin, 631 222 adam 2-komponentin egilgen.
Úshinshi orynda Almaty oblysy – 712 202 adam ekpeniń birinshi bóligin alsa, 592 889 adam ekinshi bóligin qabyldaǵan.