«Qazgıdromet» RMK 13 qyrkúıekke arnalǵan aýa raıy boljamyn jarıalady, dep habarlaıdy almaty-akshamy.kz
«Qazgıdromet» taratqan málimetterge qaraǵanda, antısıklonnyń áserinen kún jaýyn-shashynsyz bolady. Atmosferalyq frontaldy bólikterdiń áserinen QR shyǵysynda, soltústik-batysynda, ońtústik-batysynda, sondaı-aq ońtústik-shyǵystyń taýly aýdandarynda jańbyr jaýady, naızaǵaı oınaıdy. Túnde jáne tańerteń soltústik-batys jáne ortalyq aımaqtarda tuman túsedi. Soltústikte, kúndiz elimizdiń ońtústigindegi taýly aımaqtarda jel 15-20 m/s jyldamdyqpen soǵady.
Kúndiz Qostanaı oblysynyń soltústik-batysynda, soltústiginde naızaǵaı, túnde jáne tańerteń oblystyń shyǵysynda tuman túsedi.
Aqmola oblysynyń soltústiginde, soltústik-batysynda, Soltústik Qazaqstan oblysynyń soltústik-shyǵysynda, kúndiz Túrkistan oblysynyń taýly aýdandarynda jel 15-20 m/s jyldamdyqpen soǵady.
Túnde jáne tańerteń Qaraǵandy oblysynyń soltústiginde jáne ortalyǵynda tuman túsedi.
Túnde Aqmola oblysynyń ońtústik jartysynda, Aqtóbe oblysynyń soltústiginde, Qostanaı oblysynyń ońtústik-shyǵysynda, Soltústik Qazaqstan oblysynyń ońtústik-batysynda, Shyǵys Qazaqstan oblysynyń soltústik-shyǵysynda 2 gradýs úsik júredi. Qaraǵandy oblysynyń soltústik-shyǵysynda 3 gradýs úsik júredi.
Almaty, Jambyl, Túrkistan, Qyzylorda, Mańǵystaý, Atyraý, Aqtóbe oblystarynyń basym bóliginde, Qostanaı, Qaraǵandy oblystarynyń ońtústik-batysynda, batysynda, Batys Qazaqstan oblysynyń soltústik-shyǵysynda jáne ońtústiginde, Shyǵys Qazaqstan oblysynyń ońtústik-batysynda tótenshe órt qaýpi saqtalady.