2024 jylǵy 13 qyrkúıek kúni saǵat 16:00-de Mádenıet jáne aqparat mınstrliginiń uıymdastyrýymen «Etnoaýyl» ulttyq-mádenı kesheninde V Dúnıejúzilik kóshpendiler oıyndarynyń jabylý saltanaty ótedi, dep habarlaıdy aqshamnews.kz.
Dúnıejúzilik kóshpendiler oıyndary kóshpeli halyqtardyń etnıkalyq sporty men mádenı murasyn nasıhattaý maqsatynda quryldy. Alǵashqy oıyndar 2014 jyly Cholpon-Atada (Qyrǵyz Respýblıkasy) ótti. Sodan beri kóshpeliler mádenıetiniń jahandyq mańyzyn aıqyndaǵan shara eki jyl saıyn ótkizilip keledi.
V Dúnıejúzilik kóshpendiler oıyndarynyń jabylý saltanaty barysynda, Astana qalasynyń turǵyndary men qonaqtary qurmetine Qazaqstannyń eńbek sińirgen qaıratkerleri, halyqaralyq jáne respýblıkalyq konkýrstardyń laýreattary jáne tanymal qazaqstandyq estrada juldyzdary óner kórsetedi.
Atap aıtsaq, Qazaqstannyń eńbek sińirgen qaıratkerleri: Qaraqat Ábildına, Qaırat Baekenov, Gúlsim Myrzabek, halyqaralyq jáne respýblıkalyq konkýrstardyń laýreattary: Marat Aıtymbaı, Madı Syzdyqov jáne t.b. óner juldyzdary tanymal estradalyq ánder men halyq kompozıtorlarynyń shyǵarmalaryn oryndaıdy.
Budan basqa, «Naz» memlekettik bı teatry jáne Erkeǵalı Rahmadıev atyndaǵy Memlekettik akademıalyq fılarmonıasy, «Qambarqan» fólklorly-etnografıalyq ansambli (Qyrǵyz Respýblıkasy) jáne «Melomen» toby qatysady.
V Dúnıejúzilik kóshpendiler oıyndarynyń jabylý saltanaty «Etnoaýyl» ulttyq-mádenı kesheninde ótedi
- Avtor aqshamnews.kz
- 18:46, 12 qyrkúıek 2024
QR Týrızm jáne sport mınıstrligi