2024-2025 oqý jylynda 523 túlek sý salasy mamandyqtary boıynsha grantqa (bakalavrıat) tústi.
Byltyr 266 stýdent sý sharýashylyǵy mamandyqtary boıynsha tegin bilim alý múmkindigine ıe bolǵan, dep habarlaıdy aqshamnews.kz Cý resýrstary jáne ırrıgasıa mınıstrligine silteme jasap.
Talapkerlerdiń basym bóligi – 241 túlek «Sý resýrstary jáne sýdy paıdalaný» mamandyǵyn tańdady. Al, «Gıdrogeologıa jáne geoekologıa» mamandyǵy boıynsha 150 talapker, «Gıdrologıa» mamandyǵy boıynsha 95 túlek oqýǵa tústi. 26 adam «Gıdrotehnıkalyq qurylys», 11 talapker «Sýmen jabdyqtaý jáne sý burý» mamandyqtaryn tańdady.
«Biz sý salasynyń kadrlyq áleýetin arttyrý boıynsha jumysty jalǵastyramyz. Ózderińiz biletindeı, bıyl Memleket basshysynyń tapsyrmasy boıynsha Qazaq ulttyq sý sharýashylyǵy jáne ırrıgasıa ýnıversıteti ashylyp, 129 talapker bakalavrıatqa grantqa tústi. Sondaı-aq, mınıstrlik 9 JOO-men yntymaqtastyq týraly memorandýmǵa qol qoıdy. Osynyń nátıjesinde bıyl 82 stýdent «Qazsýshar» fılıaldarynda óndiristik tájirıbeden ótti, bul ótken jylǵy kórsetkishten aıtarlyqtaı kóp», – dedi Sý resýrstary jáne ırrıgasıa birinshi vıse-mınıstri Bolat Beknıaz.