Oıyndardyń ashylý saltanaty 8 qyrkúıek kúni «Astana-Arena» stadıonynda ótedi.
Bılet quny 15 000 teńgeden bastalyp, 50 000 teńgege deıin bolady, dep habarlaıdy aqshamnews.kz.
24.kz arnasy taratqan aqparatqa saı, kúzge salym ótetin álemdik etnosporttyń basty oqıǵasyna 89 elden 2 myńnan asa sportshy qatysady. Sport baǵdarlamasyna 21 sport túri kiredi. Jarystarǵa ortasha bılet quny 3600 teńgeni quraıdy.
Qazaq kúresi, alysh jáne kórásh Jaqsylyq Úshkempirov atyndaǵy jekpe-jek saraıynda ótedi jáne bıletter 2500 teńgeden 7500 teńge aralyǵynda bolady.
Al «Alaý» muzaıdynynda asyq atý, ordo, mas-restlıng, kúrásh, arqan tartý jáne ashyrtmaly aba gúreshi boıynsha jarystar ótedi. Bılet quny 1000-3000 teńge aralyǵynda.
Kókpar, kók bóri jáne báıge boıynsha tartysty jarystar «Qazanat» ıpodromynda ótedi. Bılet quny 2000-15000 teńge kóleminde bolmaq.
Etnoaýylda jamby atý, teńge ilý, aýdaryspaq, qusbegilik, sondaı-aq alyptar saıysy jarystaryn kórýge bolady. Atalǵan sport túrleri boıynsha bıletter 1000teńgeden bastalyp, 2000 teńgege deıin bolady.
Kórermen kózaıymyna aınalǵan dástúrli sadaq atý sporty boıynsha básekeler «Arǵymaq» at-sporttyq saýyqtyrý kesheninde ótedi. Bıletter quny 600 teńgeden bastalyp, 3000 teńgege deıin barady.
Al dástúrli zıatkerlik oıyndar sanalǵan toǵyzqumalaq, mangala jáne ovarı jarystary kórermendersiz ótedi.
Azamattardyń jekelegen sanattary úshin ártúrli jeńildikter qarastyrylǵan. 50% jeńildik mektep oqýshylary men zeınetkerler úshin qoljetimdi. Al 5 jasqa deıingi balalar men I jáne II toptaǵy múgedekter bıletterdi tegin ala alady. Bılet quny Kóshpendiler oıyndarynyń ashylý saltanaty – 15000-50000 teńge
Qazaq kúresi, alysh jáne kórásh – 2500-7500 teńge
Asyq atý, ordo, mas-restlıng, kúrásh, arqan tartý jáne ashyrtmaly aba gúreshi – 1000-3000 teńge
Kókpar, kók bóri jáne báıge – 2000-15000 teńge
Jamby atý, teńge ilý, aýdaryspaq, qusbegilik, alyptar saıysy – 1000-2000 teńge
Dástúrli sadaq atý – 600-3000 teńge
Jeńildikter Mektep oqýshylary men zeınetkerlerge – 50% 5 jasqa deıingi balalar men İ jáne İİ toptaǵy múgedekterge – tegin