Rekonstrýksıalaý boıynsha kelisimshart jasaldy.
QR IIDM Avtomobıl joldary komıteti EH ESER Taahhut Ve Sanayi Anonim Sirketi túrik kompanıasymen respýblıkalyq mańyzy bar «Uzynaǵash-Otar» avtomobıl jolynyń 101-143 shaqyrymyndaǵy ýchaskesin rekonstrýksıalaý boıynsha kelisimshart jasasty, dep habarlaıdy Almaty-akshamy.kz.
«Rekonstrýksıadan keıin jol bilikke 13 tonna eseptik júktememen 4 jolaqty qozǵalysy bar 1b sanatty bolmaq. Joba boıynsha aýyl sharýashylyǵy tehnıkasynyń ótýi úshin 2 jol ótpesin, 32 sý ótkizý qubyryn jáne 6 avtobýs aıaldamasyn salý kózdelgen. Rekonstrýksıa jumystary 2024 jyly aıaqtalady dep kútilýde», delingen komıtet habarlamasynda.