Mınıstr Almatydaǵy bilim oryndaryn aralady.
QR Bilim jáne ǵylym mınıstri Asqat Aımaǵambetov Almaty qalasyndaǵy mektepter men joǵary oqý oryndaryna bardy, dep habarlaıdy Almaty-akshamy.kz.
«Keshe jumys sapary kezinde Almaty qalasyndaǵy mektepter men joǵary oqý oryndarynda boldym. Pedagogtarmen, vedimistik baǵynysty JOO-nyń rektorlarymen jáne ǵylymı-zertteý ınstıtýttarynyń basshylarymen kezdestim», dep jazdy mınıstr feısbýktaǵy óziniń áleýmettik paraqshasynda.
Bilim jáne ǵylym mınıstri bilim mekemelerindegi kúzet júıesimen tanysqanyn, qaýipsizdikti arttyrý boıynsha jumysty kúsheıtý kerektigin aıtty.
«Mektepke barǵan kezde kúzet júıesiniń, beınebaqylaý kameralarynyń jumysymen, dabyl túımeleriniń, týrnıketterdiń ornatylýymen jáne t.b. tanystym. Mektepter, kolejder, JOO basshylaryna jáne ákimdikter men mınıstrlikke balalarymyzdyń qaýipsizdigin arttyrý boıynsha jumysty kúsheıtý qajet», - dep jazdy ol.
Onyń aıtýynsha, sońǵy qaıǵyly oqıǵalar máseleniń ózektiligi men mańyzdylyǵyn kórsetedi.
«Árıne, bul sharalardan bólek tárbıe jumystaryn da júrgizý qajet. Psıhologtar men áleýmettik pedagogterdiń jumysy, sonymen birge balalardy fors-majorlyq áreketter týraly habardar etý mańyzdy», - dedi mınıstr.
Mektep dırektorlarymen kezdesý kezinde attestasıa, basshylar rotasıasy, ádistemelik jumysty uıymdastyrý máseleleri de talqylanǵanyn jetkizdi. Joldaý aıasynda aıtylǵan Prezıdent tapsyrmalarynyń naqty qalaı júzege asyrylatynyna toqtalyp ótti. Mektep dırektorlary kóptegen jaqsy usynys pen ıdeıa aıtty, biz olardy aldaǵy jumystarynda eskeretinin jetkizdi.
«Jalpy, muǵalimdermen jáne mektep dırektorlarymen sóılese otyryp, suraqtardyń mazmuny, mysaly, bir jyl buryn qoıǵan suraqtarǵa qaraǵanda ózgergenin baıqadym jáne bul qýantarlyq jaǵdaı. Byltyr kún tártibinde turǵan máselelerdiń basym kópshiligi sheshimin tapty», - dedi QR Bilim jáne ǵylym mınıstri.
Endi talqylanatyn taqyryptar oqý baǵdarlamalarynyń mazmunyna, ata-analarmen ózara árekettesýge, tárbıe jumysyna áldeqashan tereńirek engizilgenin aıtty.
«Dástúrli formatqa oralýdy talqylaı otyryp, ustazdar, jalpy alǵanda, oqýshylardyń jalpy sanynyń syrqattanýshylyq deńgeıi qashyqtan oqytýǵa ótinish bergenderdiń kórsetkishinen áldeqaıda tómen ekenin aıtty. Mektep oqýshylary men ata-analardyń basym kópshiligi oflaın rejımde oqýǵa rıza. Bul bilim sapasyna, balalardyń emosıonaldy jaǵdaıyna jáne olardyń densaýlyǵyna oń áser etedi», - deıdi bas ustaz.
Kezdesý barysynda áriptester oqýshylardyń bilimin tolyqtyrý boıynsha júrgizilgen jumystar týraly aıtqanyn baıandady. Sonymen birge mektepterde jan basyna qarjylandyrýdy engizýdiń tıimdiligi men artyqshylyqtary týraly da aıtylǵanyna toqtaldy. Mınıstrdiń aıtýynsha, osy júıeniń arqasynda mektepter aýqymdy qarjylyq resýrstarǵa, úlken qarjylyq táýelsizdikke ıe boldy, tıisinshe qarjyny tıimdirek jumsaýǵa jáne mańyzdy máselelerdi sheshýge qarajatty únemdeýge jáne qaıta bólýge yntalandyrý paıda boldy.
Mınıstr modernızasıadan ótken mektep kitaphanasyn aralaǵanyn, «Oqýǵa qushtar mekte» jobasyn júzege asyrý úshin mektep kitaphanasynyń kitaphana qory kórkem ádebıetpen tolyqqanyn baıqaǵanyn jazdy.
«Sonymen qatar, Abaı atyndaǵy QazUPÝ-de boldym. Mınıstrlikke baǵynyshty JOO-nyń rektorlarymen kezdesý ótkizdim. Qorytyndysy boıynsha stýdentterdiń qaýipsizdigi, sondaı-aq qurylysqa, jataqhanalardy qaıta qurýǵa, oqý úderisine de qatysty birqatar tapsyrma berdim», - dedi vedmostvo basshysy.
Sonymen qatar ǵylymı-zertteý ınstıtýttarynyń dırektorlarymen kezdeskenin, ǵylymı ortada Memleket basshysynyń Joldaýy aıasynda ǵylym týraly zańnamaǵa engiziletin jańa túzetýlerdi talqylaǵanyn aıtty.
«Ǵylymı granttardy qarjylandyrý sharttarynyń ulǵaıýy, irgeli zertteýlermen aınalysatyn mekemelerge tikeleı qarjylandyrýdy engizý, negizgi qarjylandyrýdyń ulǵaıýy jáne ǵalymdar óz baıandamalarynda burynnan aıtyp júrgen basqa da óte mańyzdy ózgerister. Kezdesýlerde aıtylǵan barlyq usynys pen suraq eskerildi jáne olar boıynsha tıisti jumystar júrgiziledi. Sońynda «Qazaqstan Ustazy» syılyǵy ıegerlerin marapattaý rásimine qatysyp, áriptesterdi kele jatqan kásibı merekemen quttyqtadym», - dep jetkizdi Asqat Aımaǵambetov.