Elimiz boıynsha ótkizilgen «Úzdik pedagog-2023» respýblıkalyq baıqaýynyń qorytyndysy shyǵaryldy.
Sala mınstrliginiń málimeti boıynsha, mektepke deıingi, orta, tehnıkalyq jáne kásiptik bilim berý uıymdarynyń 64 pedagogi óz mamandyǵy boıynsha úzdik atandy. Oqý-aǵartý mınıstri Ǵanı Beısembaev jeńimpazdarǵa saltanatty túrde marapattaryn tabystady, dep habarlaıdy almaty-akshamy.kz.
Vedomstvo basshysy quttyqtaý sózinde Memleket basshysynyń tikeleı qoldaýynyń arqasynda muǵalim mártebesi 2019 jyly zańnamalyq deńgeıde bekitilgennin atap ótti. Muǵalimderge laıyqty jalaqy, ústemeaqylar, zamanaýı jumys jaǵdaılary jáne kásibı damý múmkindikteri qarastyrylǵan.
«Muǵalim tek mamandyq emes, júrektiń tańdaýy, jannyń qalaýy. Qaı zamanda bolsyn aǵartýshylar qoǵamdy eń qundy dúnıe - bilimge jeteleıtin kórnekti tulǵalar sanaldy. Menińshe pedagogterdiń jankeshti eńbeginiń máni osy. Jyl saıyn bizdiń muǵalimder halyqaralyq arenada joǵary jetistikterge jetýde. Keshe ǵana jarıalanǵan PISA-2022 jahandyq reıtıńiniń nátıjeleri de tikeleı bizdiń ustazdarymyzdyń eńbeginiń jemisi. Búgin biz sizderdiń aǵartýshylyq qyzmetterińizdiń mańyzdylyǵyn taǵy bir ret atap ótý úshin jınaldyq. Sizderdiń eren eńbekterińiz ben óz isterińizge adaldyqtaryńyz úshin shyn júrekten rızashylyǵymdy bildiremin», — dedi Ǵanı Beısembaev.
Aıta keteıik, respýblıkalyq baıqaý jeńimpazdary «Úzdik pedagog» kýáligin, «Úzdik pedagog» tósbelgisin jáne 3 450 000 teńge (1000 AEK) kóleminde aqshalaı syıaqy aldy.
«Úzdik pedagog» konkýrsy 2012 jyldan bastap ótkizilip keledi. Osy kúnge deıin 624 pedagog úzdik dep tanylyp, olardyń árqaısysyna memlekettik qoldaý retinde 1000 aılyq eseptik kórsetkish mólsherinde syıaqy beriledi. Bıyl konkýrsqa qatysý úshin barlyǵy 961 ótinim berildi. Konkýrsty ótkizý rásiminiń ózi avtomattandyrylǵan jáne ashyq túrde ótti. Respýblıkalyq konkýrstyq komısıanyń quramyna úkimettik emes uıymdar, ata-analar qaýymynyń ókilderi, jýrnalıser, belsendi pedagogter, Bilim jáne ǵylym qyzmetkerleriniń Qazaqstandyq salalyq kásipodaǵynyń ókilderi jáne t. b. kirdi.
