Bilim jáne ǵylym mınıstri muǵalim tapshy óńirlerge úzdik mamandardy tartý úshin arnaıy baǵdarlama ázirlenetinin málimdedi.
Asqat Aımaǵambetovtyń aıtýynsha, muǵalim tapshylyǵy men bilim berýde úlken alshaqtyq baıqalatyn óńirlerge taldaý júrgizilgen. Olar Atyraý, Mańǵystaý, Almaty jáne Túrkistan oblystary bolyp tanyldy, dep habarlaıdy Almaty-akshamy.kz
«Bul óńirlerge joǵary oqý ornyn bitirgen eń úzdik pedagogtar tartylady. Olarǵa arnaıy áleýmettik qoldaý sharalary usynylady. Sonyń ishinde jalaqyny arttyrý boıynsha tıisti koefısıent belgileý, turatyn úıiniń tólemin óteý nemese komýnaldyq qyzmet tólemin óteý sıaqty yntalandyrý sharalary qarastyrylyp jatyr», – dedi Aımaǵambetov Úkimet otyrysynda.
Sondaı-aq ol 2025 jylǵa qaraı elde sheteldik bes joǵary oqý ornynyń fılıaly ashylatynyn habarlady.