14 maýsymda búkil álemde Dúnıejúzilik qan donory kúni atap ótiledi.
Búgin Dúnıejúzilik donor kúnine oraı Transfýzıologıa ǵylymı-óndiristik ortalyǵynda (TǴÓO) QR Densaýlyq saqtaý mınıstrliginiń «Densaýlyq saqtaý salasyna qosqan úlesi úshin» tósbelgisin alǵan qan donorlaryna qurmet kórsetý is-sharasy uıymdastyryldy, dep habarlaıdy Almaty-akshamy.kz.
QR Densaýlyq saqtaý mınıstrligi baspasóz qyzmetiniń málimetinshe, mundaı tósbelgi 40-tan astam qan tapsyrǵan adamdarǵa beriledi. İs-shara elordalyq qan ortalyǵynyń aýmaǵynda, Qazaqstan Respýblıkasy Densaýlyq saqtaý mınıstrliginiń, «EiraMed» JSHS, Nur Otan partıasy «Birlik» fılıalynyń, Qyzyl Jarty Aı Qoǵamynyń qoldaýymen ótti. Marapatqa usynylǵan árbir donor estelik syılyqtar aldy.
DDU-nyń moıyndaýynsha, bul is-sharanyń maqsaty búkil álemniń qan quıý úshin qaýipsiz qan men onyń komponentterine qajettiligi týraly, sondaı-aq ulttyq densaýlyq saqtaý júıeleri úshin óteýsiz erikti qan donorlyǵynyń mańyzdylyǵy týraly habardarlyǵyn arttyrý bolyp tabylady. Bul kún úkimetter men ulttyq densaýlyq saqtaý organdaryn tıisti resýrstardy qamtamasyz etýge jáne óteýsiz erikti qan donorlyǵyn keńeıtý úshin júıeler men ınfraqurylym qurýǵa shaqyrýǵa sebep bolady.
Jyl saıyn Transfýzıologıa ǵylymı-óndiristik ortalyǵy osyndaı is-sharalar ótkizedi, al TǴÓO Road brothers motoklýbymen birlesip dástúrge aınalǵan motosherýdi uıymdastyrady. Elordalyq baıkerler qýana donorlyqty nasıhattaýǵa shaqyrady.
Aıta ketý kerek, Qazaqstanda 200 myńnan astam adam jáne 18 myńǵa jýyq adam úsh jáne odan da kóp ret qan tapsyrady. Óteýsiz donorlar, eriktiler, elordanyń uıymdary men kásiporyndarynyń barlyq ujymdary óteýsiz donorlyqtyń damýyna ózderiniń baǵa jetpes úlesterin qosady.
Qaýipsiz qan men onyń komponentteri medısınalyq kómek pen qoǵamdyq densaýlyq saqtaýdyń mańyzdy quramdas bóligi bolyp tabylatynyn atap ótken jón. Mundaı jumys kún saıyn mıllıondaǵan adamdardyń ómirin qutqarýǵa, kóptegen pasıentterdiń ómir sapasyn jaqsartýǵa múmkindik beredi. Sondyqtan, oǵan muqtaj árbir adamnyń qaýipsiz qanǵa qol jetkizýin qamtamasyz etý úshin elderde qandy turaqty, erikti jáne óteýsiz tapsyrýǵa daıyn donorlar bolýy qajet.
COVID-19 pandemıasynyń azamattar úshin shekteý sharalary bóliginde qan qyzmetiniń jumysyna óz túzetýlerin engizgenine qaramastan, Qazaqstanda da, kóptegen elderde de donorlar qan ortalyqtaryna barýdy jáne oǵan asa muqtaj pasıentter úshin qan tapsyrýdy jalǵastyrdy.
2021 jylǵy Dúnıejúzilik qan donory kúniniń urany – «Sdavaıte krov, pýstv mıre púlsırýet jızn». Bul búkil álemdegi kóptegen adamdardyń únemi qan tapsyrýǵa jáne densaýlyǵyn jaqsartýǵa jahandyq úndeýlerin kúsheıtedi.