QR Mádenıet jáne aqparat mınıstrliginiń qoldaýymen Jambyl atyndaǵy Qazaq memlekettik fılarmonıasynda Nurǵısa Tilendıev atyndaǵy Respýblıkalyq dırıjerler konkýrsynyń marapattaý rásimi men gala-konserti ótti.
İs-sharaǵa QR Mádenıet jáne aqparat vıse-mınıstri A.Á.Júdebaev qatysty, dep habarlaıdy Almaty-akshamy.kz 24.kz-ke silteme jasap.
Saltanatty sharada sóz sóılegen Arman Ádilhanuly barlyq qatysýshylardy quttyqtap, QR Mádenıet jáne aqparat mınıstri A.Balaevanyń arnaıy Alǵys hattarymen marapattady. Nurǵısa Tilendıev atyndaǵy Respýblıkalyq dırıjerler konkýrsynyń qazylar alqasynyń sheshimimen: 1. Saǵymbaev Ábilqaıyr Beıbituly – Gran-Prı (Qaraǵandy qalasy) 2. Beısekov Ábilqaıyrhan Serikbaıuly – İ oryn (Almaty qalasy) 3. Ómirzaqov Mádı Jumaǵalıuly – İİ oryn (Shymkent qalasy) 4. Esbergenov Medet Anýarbekuly – İİİ oryn (Taldyqorǵan qalasy) 5. Bekbolat Ábdiberikuly – İİİ oryn (Almaty qalasy) 6. Meıirbekov Jambyl Berikbaıuly – dıplom (Shymkent qalasy) 7. Muqanova Mırýet Talapqyzy – dıplom (Almaty qalasy ) 8. Muhtar Sátqozy Orazalyuly – «N.Tilendıevtiń shyǵarmasyn úzdik oryndaǵany úshin» dıplom (Almaty qalasy) 9. Salı Alıa Nurlankyzy – «Yntalandyrý» syılyǵymen (Astana qalasy) marapattaldy. İs-shara Nurǵısa Tilendıev atyndaǵy Akademıalyq fólklorly-etnografıalyq «Otyrar sazy» orkestriniń qatysýymen, orkestrdiń kórkemdik jetekshisi jáne bas dırıjeri Qazaqstannyń eńbek sińirgen qaıratkeri Dinzýhra Tilendıeva men dırıjer, Qazaqstannyń eńbek sińirgen ártisi Jalǵasbek Begendikov bastaǵan barlyq konkýrs jeńimpazdarynyń gala-konsertine ulasty.