Jelide osyndaı aqparat tarap jatyr.
Densaýlyq saqtaý mınıstrliginiń baspasóz qyzmeti bul aqparatty joqqa shyǵardy, dep habarlaıdy Almaty-akshamy.kz
Qaznette el turǵyndary COVID-19 týdyratyn SARS-CoV-2 koronavırýsynyń delta shtammyn jappaı juqtyra bastaǵany týraly aqparat jedel tarap jatyr.
Stopfake.kz-tiń habarlaýynsha, búginde respýblıkada koronavırýs ınfeksıasyna qatysty epıdemıologıalyq jaǵdaı turaqty.
"Vırýstardyń genetıkalyq zertteýi baqylanyp jatyr. Keıingi sekvenırleý nátıjesi boıynsha respýblıkada jańa shtamm nusqasy anyqtalǵan joq. Delta shtammy 2021 jyly aınalymǵa túsip, aýrýdyń asa aýyr túrlerin týdyrdy. Qazir Qazaqstanda aýrý kóbine jeńil túrde ótedi. Naýqastar negizinen ambýlatorlyq negizde emdeledi. Infeksıa tósek-oryndardyń toltyrylýy - 3%", delingen QR Densaýlyq saqtaý mınıstrliginiń baspasóz qyzmeti taratqan aqparatta.
Buǵan deıin dárigerler COVID-19 "Pırola" jańa shtammynyń negizgi belgileri týraly aıtqanyn jazǵan edik.