Shýchınsk qalasynda «Úzdik dene shynyqtyrý pedagogi – 2024» respýblıkalyq baıqaýy bastaldy, dep habarlaıdy aqshamnews.kz.
Bul týraly Oqý-aǵartý mınıstrliginiń resmı saıtynda habarlanǵan.
Baıqaýǵa elimizdiń ár óńirinen kelgen 19 dene shynyqtyrý pániniń muǵalimderi qatysýda. Barlyǵy aýdandyq, oblystyq deńgeıde irikteýden ótken. Pedagogıkalyq jumys ótili keminde 3 jyl.
Baıqaýdyń maqsaty – dene shynyqtyrý pedagogteriniń shyǵarmashylyq bastamasyn qoldaý, kásibı ósýge járdemdesý, osy mamandyq boıynsha pedagogterdiń eńbeginiń bedelin arttyrý.
Baıqaý úsh kezeń boıynsha ótkiziledi:
I týr – «Kreatıvti pedagog»;
II týr – «Qazirgi zamanǵy dene shynyqtyrý sabaǵy»;
III týr – «Úzdik sporttyq-buqaralyq is-shara».
Aıta keteıik, baıqaýdyń júlde qory 1,5 mln teńge. Sondaı-aq, arnaıy nomınasıalardyń ıegerlerine 100 myń teńgege aqshalaı sertıfıkattar tabystalady.