Sozylmaly kúızelis densaýlyqqa keri áser etedi.
Adam uzaq ýaqyt boıy kúızeliste júrip, ol uzaqqa sozylsa, ony ýaqtyly anyqtap, qolǵa alǵan jón. Sebebi, sozylmaly kúızelis densaýlyqtyń syr bergenin ańǵartady, jáne ony elemese, onyń sońy kúrdeli aýrýlarǵa deıin aparýy múmkin. Bul týraly reseılik dáriger Tatána Neýmolotova aıtty, dep habarlaıdy Almaty-akshamy.kz
Eger kúızelis adamda qandaı da bir stressti jaǵdaıdan keıin týyndasa, bul – qalypty. Al eger mundaı kúıdi adam basynan óte jıi keshirse jáne adam kez kelgen ádettegi ózin titirkendiretin jaıttarǵa jaýap berse, onda bul patologıa bar ekenin ańǵartady.
«Ýaqyt óte kele bul proses sozylmaly sıpatqa ıe bolady, ol psıhıkanyń únemi shamadan tys júktelýine baılanysty birneshe aı ishinde damıdy»,-dep atap ótti dáriger Tatána Neýmolotova.
Osyǵan baılanysty nevroz jáne depressıa damýy múmkin, dedi ol. Uzaq merzimdi kúızelis erte me, kesh pe sozylmaly patologıalarǵa ákeledi, mysaly, gıpertonıa, júrektiń ıshemıalyq aýrýy, ımýndyq tapshylyq.
Dáriger kúızelis begileri jaıly da aıtty.
«Kóbinese bas aýrýy, qaltyraý, tersheńdik, asqazan-ishek joldarynyń buzylýy, salmaq qosý nemese salmaq tastaý sıaqty jaısyzdyqtar bolady. Osyndaı alǵashqy belgileri bolǵan jaǵdaıda dárigermen keńesken jón, ol anamnezdi durys jınap, naýqasty psıhoterapevtke jiberedi», – dep atap ótti ol.
Sonymen qatar, sozylmaly kúızelis kezinde adam álsizdik pen nashar uıqydan qınalady. Bul jaǵdaıda kóptegen adamdar áleýmettik baılanystardy azaıtyp, óz-ózinen tuıyqtalady. Óz-ózinen úreılengen adam qarsy áreketke kóshedi.
Dáriger sozylmaly kúızelis týyndaǵan jaǵdaıda, dárigerge qaralý kerektigin eske saldy. Sebebi bunyń arty tipti onkologıalyq jáne aýtoımmýndy aýrýlarǵa dýshar etýi múmkin.