Almaty oblysynda jeke úılerdiń birinen pyshaq jaraqatyn alǵan eki er adamnyń denesi tabyldy, dep habarlaıdy Almaty-akshamy.kz. QazAqparatqa silteme jasap.
«26 maýsym kúni saǵat 00:50-de Qarasaı aýdandyq polısıa bólimine 1979 jyly týǵan azamat S.-dan Qaskeleń qalasyndaǵy jeke úılerdiń birinen pyshaq jaraqattarymen eki er adamnyń máıiti tabylǵany týraly habarlama tústi. Atalǵan derek QR Qylmystyq kodeksiniń 99-baby 2-bóligi 1-tarmaǵy boıynsha aýdandyq ishki ister basqarmasynda tirkeldi. Sot-medısınalyq saraptama taǵaıyndalyp, sotaldy tergeý bastaldy», – dep jazdy Almaty oblysynyń polısıa departamentiniń bastyǵy Baýyrjan Álenov óziniń Instagram-daǵy paraqshasynda.
Polıseıler qaza tapqandardyń 1989 jáne 1996 jyly týǵan Tájikstan azamattary ekenin anyqtady. Qylmys jasady degen kúdikpen sol respýblıkanyń 1980 jyly týǵan azamaty ustaldy. Qazir ol ýaqytsha ustaý ızolátoryna qamaldy. Tergeý múddesindegi basqa aqparat jarıa etilmeıdi.