Birinshi kredıttik búronyń málimetinshe, 2024 jyldyń basynda Qazaqstanda 100 jastan asqan 702 adam ómir súrdi. Bul kórsetkish ótken jylmen salystyrǵanda 40%-ǵa ósken.
100 jastan asqan qazaqstandyqtardyń sany ekinshi jyl qatarynan ósýde. Degenmen, bul statısıkaǵa 2022 jyly uzaq ómir súretinder sanynyń kúrt tómendeýi áser etti. Sol jyly 100 jastan asqan qazaqstandyqtar sany 2,7 myńnan 315 adamǵa deıin qysqarǵan edi.
Qyzyqty statısıka: árbir 100 jasqa jetken er adamǵa tórt áıel adamnan keledi. Uzaq jasaýshylardyń basym bóligi qalalarda turady, olardyń eń kóp shoǵyrlanǵan óńiri – Almaty. Ekinshi orynda Túrkistan oblysy, al úshinshi orynda Qostanaı oblysy ornalasqan.
Birinshi kredıttik búronyń aıtýynsha, qazaqstandyqtar jalpy alǵanda jas ult bolyp qala beredi. Eldegi turǵyndardyń ortasha jasy 32,3 jyldy quraıdy. Degenmen, halyq birtindep qartaıýda: sońǵy bes jylda ortasha jas jarty jylǵa artty, al jumysqa qabiletti jastan asqan turǵyndar úlesi 7,5%-dan 8,8%-ǵa ósti.