22 qazannan bastap kezekshi arnaıy halyqqa qyzmet kórsetý ortalyqtarynyń (HQKO) jumys ýaqyty uzartyldy.
«Azamattarǵa arnalǵan úkimet» memlekettik korporasıasynyń málimetinshe, endi kezekshi arnaıy HQKO-lar dúısenbiden jumaǵa deıin 09:00-den 20:00-ge deıin, al senbi kúnderi 09:00-den 13:00-ge deıin jumys isteıdi. Qalǵan HQKO-lar burynǵy keste boıynsha — 09:00-den 18:00-ge deıin qyzmet kórsetýdi jalǵastyrady.
«Bul ózgerister azamattar úshin memlekettik qyzmetterdiń qoljetimdiligin arttyrý maqsatynda engizildi. Kólik quraldaryn tirkeý jáne esepke alý qyzmetteri 18:00-ge deıin, al qujattardy berý qyzmeti 20:00-ge deıin júzege asyrylady», — dep habarlady memlekettik korporasıa.
Kezekshi HQKO jáne arnaıy HQKO-lardyń aǵymdaǵy tizimimen osy jerden tanysýǵa bolady.