«Shaharymyzdyń shyraǵy» atanǵan «Almaty aqshamy», «Vechernıı Almaty» gazetterinde úrdiske aınalǵan jaqsy dástúr qalyptasqan. Máselen, qos basylym uzaq jyldan beri gazet pen oqyrman arasyndaǵy baılanysty úzbeý maqsatynda utys oıyndaryn turaqty ótkizip keledi.
Osylaısha oqyrmandar da qos gazet jarıalaǵan utys oıynyna belsene qatysyp, ózderiniń basylymǵa degen adaldyqtaryn tanytyp otyrady. Utys oıyny osymen ekinshi márte ótkizilip otyrsada, gazetke jazylǵanyn rastaıtyn túbirtekterdi ákelgen oqyrman qarasy taǵy da qalyń boldy.
Gazet jeńimpazdaryn «Almaty aqshamy» gazeti Bas redaktorynyń orynbasary Ánýarbek Áýelbek pen «Vechernıı Almaty» gazetiniń Bas redaktory Evgenıı Raqymjanov quttyqtap, aldaǵy baspasózge jazylý naýqanyndada belsendi bolýǵa shaqyrdy.
Sonymen, qalamyzdyń baıyrǵy turǵyndary, «Aqshamnyń» turaqty oqyrmandary Nurjan Jorabaev qysqa tolqyndy pesh, Gúlbarshyn Áýelbekova sháınek, Tilepbergen Ǵumarov blender utyp, jeńimpaz atandy.
– Jyl saıyn gazetke jazylyp, bir betin de qaldyrmaı oqyp shyǵamyn. Qazir meniń jasym 85-te, sátin salsa, 100-ge kelgenshe oqysam deımin, – deıdi Nurjan Jorabaev.