Ónerkásip jáne qurylys mınıstri Qanat Sharlapaev elimizde ýtılalymǵa qatysty ózgeris bolmaıtynyn aıtty, dep habarlaıdy almaty-akshamy.kz.
Buǵan deıin depýtattar ýtılalym somasyn azaıtý usynysyn birneshe ret jarıalaǵan edi, dep habarlaıdy almaty-akshamy.kz.
«Memlekette ýtılalymdy ózgertý úshin eshqandaı jospar joq. Bul másele jıi kóterilip jatyr. Qazir kezde bul baǵytta qandaı da bir túzetý qarastyrylmaǵan», - dedi Q. Sharlapaev Parlament Májilisinde tilshiler suraǵyna jaýap bere otyryp.
Jaqynda Senattyń jalpy otyrysynda depýtat Bekbol Orynbasarov elimizdiń avtoparkin jańartýdaǵy problemalardy jarıa etti. Qazaqstan azamattary úshin ımportpen keletin avtomobıldiń baǵasy tym joǵary. Oǵan kedendik alymdar, kádege jaratý tólemderi (ýtılalym) jáne alǵashqy tirkeý tólemderi sebep bolǵan.