QR Ekologıa, geologıa jáne tabıǵı resýrstar mınıstri Serikqalı Brekeshev avtokólik jáne aýyl sharýashylyǵy tehnıkasy boıynsha ýtıl alymyna jańa stavkalardy bekitý jumystary qaı kezeńde ekenin aıtty, dep habarlaıdy Almaty-akshamy.kz QazAqparatqa silteme jasap.
«Indýstrıa mınıstrligi osy stavkalar boıynsha bizge ózderiniń esepteýleri men koefısıentterin usynýy kerek. Qoǵamdastyqpen kelisilgennen keıin biz ony bekitemiz. Qazirgi kezde «Jasyl Damý» AQ boıynsha óndirýshilerdiń keńeıtilgen mindetteri tolyqtaı qyzmet etip tur. Serverler iske qosyldy», - dedi S.Brekeshev Májilistiń jalpy otyrysynda depýtattar saýalyna jaýap bere otyryp.
Onyń aıtýynsha, búginde ýtıl tólemder qabyldanyp jatyr. Mınıstrlikte zańgerlik blok, sıfrlyq tehnologıa departamenti, búdjettik josparlaý ókilderinen quralǵan komısıa quryldy.
«Olar «ÓKM Operatory» JSHS-nyń qyzmetine sáıkes qarajattyń kiristeri men shyǵystaryn qarap jatyr. Qazirgi kezde ekinshi deńgeıli bankterdiń shottarynda 220 mlrd teńge bar, bir bóligi ulttyq valútada bolsa, qalǵan bóligi - dollarmen. Tıisti jumystar júrgizilip jatyr, jaqyn arada avtomobıl jáne aýyl sharýashylyǵy tehnıkasyna ýtıl alym stavkasyn bekitemiz», - dedi vedomstvo basshysy.