«Órleý» BAUO» AQF Almaty qalasy boıynsha PQBAI ujymy Qazaqstan Prezıdenti Qasym-Jomart Toqaevtyń Qazaqstan halqyna arnaǵan «Halyq birligi jáne júıeli reformalar – el órkendeýiniń berik negizi» atty Joldaýymen tolyq tanysyp, mańyzdy máseleler tóńireginde óz oılaryn ortaǵa saldy.
Kafedranyń aǵa oqytýshysy Gúlbala Kenishtaıqyzy Joldaýdaǵy «Pandemıadan keıingi kezeńdegi ekonomıkalyq damý», «Densaýlyq saqtaý júıesiniń tıimdiligin arttyrý», «Sapaly bilim berý», «Óńirlik saıasatty jetildirý», «Eńbek naryǵynda tıimdi ekojúıe qalyptastyrý», «Saıası júıe jáne adam quqyǵyn qorǵaý», «Ulttyń uıysýy – odan ári damýdyń basty faktory» atty jeti basymdyqqa jeke-jeke sholý jasady. Akademıalyq bólimniń bas mamany Nazerke Qarabalaeva «Sapaly bilim berý» baǵytyndaǵy kóterilgen mańyzdy máselelerge toqtaldy.
Memleket basshysynyń muǵalimderdiń biliktiligin arttyrýdy 3 jylda bir ret qaıta daıarlyqtan ótkizýge nazar aýdarǵany ınstıtýt qyzmeti úshin mańyzdy shara bolmaq dep otyr mamandar. Bul máseleni osyǵan deıin respýblıkanyń bas ustazy Asqat Aımaǵambetov te qozǵaǵan bolatyn. «Órleý» BAUO tarapynan ótkizilip jatqan kýrstyq is-sharalarda muǵalimderdiń pándik bilimin kóbeıtýge, pán mazmunyn durys túsinýine, bilim alýshylardyń oqý áreketin durys josparlaýǵa, baǵalaýǵa, sabaq berý, oqýshylardy oqýda qoldaý sıaqty sheberlikterin shyńdaýǵa basymdyq berilip keledi. Kafedradaǵy trenerler osy baǵytta kýrstardy sapaly uıymdastyryp, júıeli túrde ótkizip júr. Kýrstyq is-sharalarǵa muǵalimder tarapynan da jaýapkershilik artqanyn aıta kerý kerek.
«Ulttyń uıysýy – odan ári damýdyń basty faktory» basymdyǵynda kóterilgen memlekettik til týraly másele taqyrybynda «Kýrstan keıingi qoldaý jáne ádistemelik súıemeldeý zerthanasynyń» meńgerýshisi Perýza Asylbek óz pikirin memlekettik saıasatpen, qoǵamdyq jaǵdaımen baılanystyra otyryp, tildiń ıesi – halqymyzdyń ózin jappaı memlekettik tildiń mártebesin kóterýge jumyldyrýdyń asa mańyzdy ekendigin atap ótti.
Sóz kezeginde oqý jáne monıtorıń bóliminiń bas mamany Gúlmıra Temirhanova «Sý tapshylyǵy» taqyryby boıynsha áriptesterdi sý kózderin únemmen paıdalanýǵa, ǵalamshardaǵy adamzatqa berilgen múmkindikterdi baǵalaýǵa shaqyrdy.