Mamandar almatylyqtardy belsendi vaksınalanýǵa shaqyrdy.
Bul týraly qalalyq qoǵamdyq densaýlyq basqarmasynyń basshysy Narıman Tabynbaev málimdedi. Óńirlik komýnıkasıalar qyzmetiniń alańynda sóılegen sózinde ol koronavırýstyq ınfeksıanyń «tórtinshi tolqyny» áli aıaqtalmaǵanyn eske saldy, dep habarlaıdy Almaty-akshamy.kz.
"Epıdemıalyq jaǵdaıdyń jaqsarýy koronavırýstyń tórtinshi tolqyny aıaqtaldy degendi bildirmeıdi", - dep sanaıdy Narıman Tabynbaev. Sondyqtan ol almatylyqtardy belsendi vaksınalanýǵa shaqyrdy.
«Búginde vaksınanyń birinshi komponentin 899 784 adam, ekinshi komponentin 779 870 adam aldy», - dep habarlady Narıman Tabynbaev.
Almaty QDB basshysynyń pikirinshe, bul jetkiliksiz, óıtkeni ujymdyq ımýnıtet áli qalyptaspaǵan. N. Tabynbaev stasıonarlar shtattyq jumys rejımine oralatynyn, alaıda koronavırýstyq jaǵdaı qaıtadan nasharlaýy múmkin ekenin eske saldy.
«Eger biz indetke qarsy sharalardy saqtamasaq, bul oryn alýy múmkin. Ásirese, qazir oqýshylar men stýdentter offlaın oqýǵa kóshken kezde», - dedi Narıman Tabynbaev.