Túrkistan oblysynda mekteptegi muǵalimder oqýshylardyń kózinshe jaǵa jyrtyspaq boldy.
Ustazdar arasyndaǵy janjal Maqtaaral aýdanyndaǵy bilim oshaǵynda oryn alǵan, dep habarlaıdy almaty-akshamy.kz Informbúro baǵdarlamasyna silteme jasap.
Jelide taraǵan vıdeoda muǵalimder arasyndaǵy daý-damaıdyń ul-qyzdardyń sabaqqa ulttyq kıim kıip kelgeninen bastalǵany aıtylǵan.
Pedagogter óz aralaryndaǵy túsinispeýshilikti osylaısha shákirtteriniń aldynda sheshpek bolǵan. Máseleni oqýshylar aldynda aıtqan muǵalimder sońynda birin biri jelkeleýge kóshken.
Kadrlardan pedagogtardyń tóbelesýden taıynbaı turǵanyn baıqaýǵa bolady. Vıdeoda ustazdardyń biri oqýshylardyń ulttyq kıimmen otyrýyna qarsy boldy dep ózge áriptesin kinálaıdy. Atalǵan jaǵdaıǵa qatysty Túrkistan oblysynyń bilim basqarmasy komısıa quryp, tekseristi bastady. Ázirge bilim oshaǵyndaǵy daýǵa naqty ne sebep jáne oqıǵany qashan bolǵany belgisiz.
Qazirgi tańda jan-jaqty zerdeleý úshin Túrkistan oblysynyń bilim basqarmasy men bilim sapasyn qamtamasyz etý departament ókilderinen turatyn arnaıy komısıa quryldy. Tekserý nátıjeleri boıynsha QR qoldanystaǵy zańnamasy aıasynda tıisti sharalar qabyldanady. Mektep oqýshysyna psıhologtar kómegi kórsetildi, – dedi Túrkistan oblysy bilim basqarmasy basshysynyń orynbasary Aıgúl Qasymbekova.