Bıyl mindetti áleýmettik medısınalyq saqtandyrý boıynsha stomatologıalyq emdeýge 34 mıllıard teńge bólindi.
Biraq tegin kómekti arnaýly sanattaǵy azamattar ǵana ala alady. Al basqalardyń shyǵyndalýyna týra keledi. Qazir tis emdeý aıtarlyqtaı qymbattaǵan. Mamandar qyzmet qunynyń óskenin, qajetti qural-jabdyqtyń shetelden alýynýymen baılanystyrady, dep habarlaıdy almaty-akshamy.kz.
BLIS: - Aýzymyzda bir tis joq, bári túsip qalǵan. Baryp saldyraıyq desek, ýdaı qymbat. Qaıda baratynymyzdy bilmeımiz. Pensıa jetpeıdi. Endi ne qylamyz?!
- Mysalyǵa 1 plombanyń ózi 15 myń teńge. Al eger basqa tisterdi emdep, tazalaý bolsa, onda 500 myńǵa ketip qalady. Odan tipti ımplant salatyn bolsańyz, 150 myńnan bireýi, eń jaqsysy.
- Tisimdi sala almaı júrmin, astynǵy tisimdi. Endi meniń tisim jobamen 200-400 myńǵa shyǵady protezdiń ózi. Emdetetin tis joq astynda.
«30 tistiń qadirin qaqsaǵanda bilesiń» degen sóz bar. Onyń kútimine der kezinde nazar aýdarmaı, kesh qalsańyz, qaltańyzdan qomaqty qarjyny sanap berýińiz ábden múmkin. Máselen tis juldyrý úshin kem degende 10-15 myń teńgeńiz bolýy kerek. Al ony emdetip, plomba salý 15 myńnan bastalady. Implant baǵasy bolsa, 100 myń teńgeden joǵary.
Olesá Melnık, stomatolog: - Bir tisti emdeý quny keıde 80 myń teńgege shyǵýy múmkin. Naqty qaı qyzmettiń qymbat ekenin aıtý ońaı emes. Ár jumystyń qıyndyǵy bolady. Negizi baǵa, qoldanylatyn materıalǵa baılanysty qoıylady. Ókinishke qaraı qajetti zattardyń kóbi elimizde óndirilmeıdi.
Tis emdeýge qajetti qural-jabdyqtar Qazaqastanda múlde óndirilmeıdi. Kóbinese olar Germanıa, Koreıa jáne Qytaıdan arnaıy jetkiziledi. Jalpy jeke emhanalar «kásipkerlik sýbekti» bolyp esepteledi, sáıkesinshe qyzmet qunyn ózderi bekitedi. Biraq ony baqylap ári rettep jatqan eshkim joq.
Nazym Bekturǵanova, QR Densaýlyq saqtaý mınıstrliginiń shtattan tys bas stomatology: - Barlyq qural-jabdyq, tipti maqta-tampondaryna deıin ımporttalady. Biz ınflásıalyq prosesterge, tikeleı dollar baǵamyna táýeldimiz. Inflásıa neǵurlym joǵary bolsa, soǵurlym qyzmet kórsetý baǵasy ósedi. Al bul jyl saıyn bolatyn jaǵdaı. Árıne, baǵany rettep otyrý bizdiń qoldan kelmeıtin dúnıe.
Arnaıy sanattaǵy azamattardyń memleket tarapynan tegin stomatologıalyq kómek alýǵa múmkindigi bar. Máselen kepildendirilgen tegin medısınalyq kómek paketi aıasynda «shuǵyl járdem» qyzmetin kámelet jasqa tolmaǵan balalar, júkti áıelder, ardagerder, múgedekter, kópbalaly analar, ataýly áleýmettik kómek alýshylar, zeınetkerler, juqpaly aýrýmen aýyratyn naýqastar jáne múgedek balany kútýshiler alady. Al «josparly kómek» tek balalar men júkti áıelderge qarastyrylǵan.
Jannur Muhanǵalı, ÁMSQ keri baılanysty jetildirý jáne aqparattandyrý basqarmasynyń basshysy: - Josparly jáne shuǵyl túrde em alýǵa kelgen adamdarǵa, birinshi kezekte, olarǵa tistiń arnaıy karıesin emdeý jáne peredontıt, pýlpıt emdeýmen aınalysatyn bolady. Elimizde 2024 jyly stomatologıalyq kómek kórsetýge 34 mlrd teńge qarjy bólindi. 2023 jylmen salystyrǵanda 6 paıyzǵa ósti. Iaǵnı 2023 jyly bólingen 32 mlrd teńgeden 34 mlrd-qa ósti. Bul degenimiz qyzmet sapasynyń joǵarylap, halyq tarapynan stomotologıalyq kómekke muqtajdyǵyn jáne onyń qyzmet kórsetý sanynyń ósýin baıqatady.
Bıyl Áleýmettik medısınalyq saqtandyrý qory stomatologıalyq kómek kórsetetin 838 medısınalyq uıymymen shart jasasty. Onyń 519-y jekemenshik, qalǵan 319-y memlekettik nysan sanalady.
Istochnık: https://24.kz/kz/zha-aly-tar/densaulyk/item/644529-32-tis-shin-34-mlrd-te-ge-b-lindi-kim-tisin-tegin-emdetedi
Qoldanylǵan materıaldarǵa mindetti túrde www.24.kz saıtyna gıpersilteme berilýi tıis