Muǵalimder kúni merekesine oraı №6 mektep-gımnazıa ujymy saltanatty jıyn uıymdastyrdy.
Mereke qarsańynda kúrdeli jóndeýden ótken, keńeıtilgen, jańa jabdyqtarmen jabdyqtalǵan bilim shańyraǵynyń tusaýkeser rásimi jasaldy, dep habarlaıdy Almaty-akshamy.kz
Ustazdar kúninde shahardaǵy №6 mektep-gımnazıa ujymy uıymdastyrǵan saltanatty jıynǵa «Órleý» Biliktilikti arttyrý ulttyq ortalyǵy» AQ fılıaly Almaty qalasy boıynsha Pedagogıkalyq qyzmetkerlerdiń biliktiligin arttyrý ınstıtýtynyń dırektory Raısa Sadvakasova, ardager ustazdar: Mager Vıktor Mıhaılovıch, Degtáreva Tatána Vasılevna, Kovaleva Tatána Ivanovna da qatysty. Muǵalim júregine shapaǵatyn tógetin mereıli tól merekede bas qosqan áriptester óte qýanyshty.
Raısa Ajdarqyzy men mektep dırektory Aıdar Bolatuly kúrdeli jóndeýden ótken, keńeıtilgen, jańa jabdyqtarmen jabdyqtalǵan bilim shańyraǵynyń tusaýkeser rásimin jasady. Sondaı-aq, osyndaı materıaldyq jetistikterge qoldaý kórsetip otyrǵan Almaty qalasy ákimdigi men qalalyq Bilim basqarmasyna alǵystaryn bildirdi. Zamanaýı úlgidegi mektepte shákirtteriniń jaqsy oqyp, túrli jarystarda oza shaýyp, báıge alyp, mekteptiń mártebesin áýelete beretinine senim artty.