Ushqyshsyz basqarylatyn apparat«Skylark 1-LEX» dep atalady.
Alǵashqy synaq Aqtóbedegi Talǵat Bıgeldınov atyndaǵy Áýe-qorǵanys kúshteri ınstıtýtynyń áýe aılaǵynda jasaldy, dep habarlaıdy Almaty-akshamy.kz.
Qondyrǵy áskerı maqsatta qoldanylady. Iaǵnı, ortalyqty kúndiz de, túnde de naqty ýaqyt rejıminde barlaý derekterimen qamtamasyz etýge arnalǵan. Kýrsanttar jańa tehnıkanyń múmkindikterin eki jyl boıy zerttep, basqarýdy meńgerdi. Ushý apparaty qanatyn jaıǵanda 3 metr bolady. Salmaǵy 8 kılogramm shamasynda. Al jyldamdyǵy saǵatyna 90 kılometrge deıin jetedi. 3 saǵat boıy úzdiksiz jumys isteýge qaýqarly. Qazir bul apparat álemniń ondaǵan eliniń qorǵanys júıesinde qoldanylady.
«Eń alǵashqy maqsattarynyń biri – barlaý. Barlyq taktıkalyq, is júzinde barlap, áskerı nysannyń, tehnıkanyń barlyǵyn kórsetýge arnalǵan. Ushý bıiktigi 500 metrden 1 200 metr aralyǵynda. Onyń ushý ýaqyty 180 mınýtqa deıin», - deıdi Áýe qorǵanys navıgasıasy jáne avıasıa basqarý zerthanasynyń bastyǵy Nurlybek Seıitov.