Armenıa astanasy Erevanda sambodan ótken 48-shi álem chempıonaty aıaqtalyp, 65 memlekettiń qatysýymen jalǵasqan básekede Qazaqstan quramasy 3-oryn aldy, dep habarlaıdy almaty-akshamy.kz.
Tizim basyn 13 altyn, 2 kúmis, 3 qola alǵan Reseı bastasa, 2 altyn, 1 kúmis, 3 qolaǵa qol jetkizgen Ózbekstan ekinshi orynǵa jaıǵasty. Al 1 altyn, 2 kúmis, 5 qolany alǵan Qazaqstan úshinshi orynda tur.
El qorjynyna júlde ápergen sportshylar: aýyr salmaqta Araılym Ábenova altyn alsa, 80 keli salmaqta óner kórsetken Elaman Qoıshybaev jáne 50 keli salmaqta kilemge shyqqan Margarıta Bajaeva kúmisti mise tutty. Al (71 keli) Arnur Qýataı, (98 keli) Álibek Zekenov, (54 keli) Gúldana Álmuhanbetova, (72 keli) Shynar Abatovalar qolany qanaǵat tutty. Jaýyngerlik sambo boıynsha aýyr salmaqta óner kórsetken (+98 keli) Talǵat Jıentaev ta qolaǵa qol jetkizdi.
Kelesi sambodan álem chemptonatyn 2024 jyly qarasha aıynda ekinshi márte Astana qalasy qabyldaıdy.