15 qarasha kúni Almaty qalasynda Qazaqstan qarjygerleriniń XI kongresi ótedi.
Onda «Sıfrlyq teńge» jobasyn iske asyrý qorytyndylary tanystyrylady, dep habarlaıdy Almaty-akshamy.kz
Atalǵan sharany QR Ulttyq Bankiniń jáne Qarjy naryǵyn retteý jáne damytý agenttiginiń qoldaýymen Qazaqstan qarjygerleri qaýymdastyǵy uıymdastyrýda.
Qarjygerler kongresiniń paneldik sesıalarynda sheteldik ortalyq bankter men qarjy ınstıtýttarynyń basshylary, qazaqstandyq memlekettik organdar men qarjy uıymdarynyń ókilderi makroekonomıkalyq saıasat pen qarjy sektorynyń ózekti máselelerin talqylaıdy.
Sonymen birge, bıyl qatysýshylar qazirgi jaǵdaıdaǵy aqsha-kredıt saıasatyn, makroekonomıkalyq turaqtylyq jáne fıskaldyq tártip máselelerin, oǵan qosa, qarjy sektorynyń kıberturaqtylyǵy men qarjy naryqtarynyń jahandyq ózgerýindegi ınovasıalardyń róli taqyryptaryn qarastyrmaq.
Budan bólek, kongres aıasynda «Sıfrlyq teńge» jobasyn iske asyrý qorytyndylarynyń tanystyrylymy ótedi.
Qazaqstan qarjygerleriniń kongresi onlaın jáne offlaın formatta uıymdastyrylady. Plenarlyq sesıalar men paneldik pikirtalastardyń onlaın translásıasy fincongress.kz saıtynda jáne «Qazaqstan Ulttyq Banki» atty resmı YouTube kanalynda kórsetiledi.
Eske sala ketsek, ótken jyly qarjygerlerdiń mereıtoılyq H kongresinde ekonomıkany kredıtteýdegi júıeli tásilder, qarjy jáne naqty sektordyń ózara is-qımyly, saqtandyrý naryǵyn damytý, qarjylyq qoljetimdilikke sıfrlyq tásil máseleleri jáne qor naryǵyndaǵy jańa ınvestısıalyq múmkindikter qaralǵan edi.