QR Ulttyq ıadrolyq ortalyǵynyń bas dırektory Erlan Batyrbekov 1979 jyly Trı-Maıl-Aılend AES-ynda bolǵan apat, sondaı-aq atom energetıkasy tarıhyndaǵy eń iri apat – 1986 jyly Chernobyl AES-yndaǵy jarylys búkil salany túbegeıli qaıta qaraýǵa májbúr etkenin atap ótti. Onyń aıtýynsha, bul oqıǵalardan keıin qaýipsizdik máseleleri birinshi orynǵa qoıylyp, bul qazirdiń ózinde jumys istep turǵan atom elektr stansıalaryn jańǵyrtýǵa jáne reaktor qondyrǵylarynyń jobalaryna eleýli ózgertýge áser etti.
«Osylaısha qaýipsizdiktiń jańa fılosofıasy jáne jalpy tehnıkalyq-ekonomıkalyq kórsetkishteri jaqsartylǵan reaktorlardyń úshinshi býyny paıda boldy. Birqatar apattardan keıin ǵalymdar atom elektr stansıasynyń qaýipsizdigin qamtamasyz etýge nazar aýdardy. Osylaısha úshinshi býyn reaktorlary paıda boldy, olarda ótken qatelikter eskerilip otyr», – dep atap ótti Erlan Batyrbekov.