Alef Aeronautics kompanıasy jańadan qurastyrylǵan elektromobıl 160 shaqyrymnan astam qashyqtyqqa ushatynyn mádimdedi. Biraq ázirge synaq kezeńinen ótip jatqan kólik jerden qatty alystaı qoıǵan joq, dep habarlaıdy almaty-akshamy.kz Euronews arnasyna silteme jasap.
Tehnologıalyq jańalyqtar adamzatty ǵaryshqa ushyryp, ınternet pen jasandy ıntellekt jetistikterine de jetkizdi, alaıdy kóliktiń ushýy adam nanǵysyz fantasıkadaı kórinedi.
Degenmen, amerıkalyq Alef Aeronautics kompanıasy kelesi jyly adamzat kóliktiń de kókke kóterilgeniniń kýási bolatynyn málim etti.
Detroıt avtosalonynda kalıfornıalyq kompanıa A úlgisindegi ushatyn kóliktiń prototıpin tanystyrdy. AQSH federaldy avıasıa ákimshiligi jazyq jerde júrýge jáne ushýǵa qabiletti alǵashqy elektromobıldi synap kórýge ruqsat berdi.
Ázirge kompanıa kópshilikke arnalǵan eksperımenttik reısterdi nemese kóliktiń ushý kezindegi beınejazbalaryn jarıalaǵan joq.
Kólik eki propellermen jabdyqtalǵan, bul onyń tik ushyp kóterilýine jáne qonýyna múmkindik beredi.
Kompanıa ókilderiniń aıtýynsha, elektromobıldiń jerdegi júrý qashyqtyǵy 320 shaqyrymǵa jýyq, al ushý qashyqtyǵy 160 shaqyrymnan asady