2023 jylǵy 22 qyrkúıekte Ázerbaıjan Ulttyq kitaphanasynda kórnekti jazýshy, qazaq ádebıetindegi detektıv janrynyń negizin qalaýshy, dramatýrg, qoǵam qaıratkeri Kemel Toqaevtyń 100-jyldyǵyna jáne HH ǵasyrdaǵy Ázerbaıjan ádebıetiniń klassıgi, ǵalym-pedagog Mır Jalal Pashaevtyń 115-jyldyǵyna arnalǵan «Túrki ádebıetiniń tarlandary» atty halyqaralyq konferensıa ótti, dep habarlaıdy almaty-akshamy.kz.
İs-sharaǵa Ázerbaıjan Mádenıet mınıstri Ádil Kerımlı, Qazaqstan Respýblıkasy Prezıdentiniń keńesshisi Málik Otarbaev, Qazaqstannyń Ázerbaıjandaǵy Elshisi Álim Baıel, Ázerbaıjannyń Mıllı Májilisi Mádenıet komıtetiniń tóraıymy Ganıra Pashaeva, Ázerbaıjan Ulttyq Ǵylym akademıasynyń prezıdenti Isa Gabıbbeılı, Ázerbaıjan dıplomatıalyq akademıasynyń rektory Hafız Pashaev, Ázerbaıjan Ulttyq kitaphanasynyń dırektory Kárim Tahırov, Qazaqstan Ulttyq kitaphanasynyń dırektory Baqytjamal Ospanova, sondaı-aq Chıngız Abdýllaev, Qoıshyǵul Zarly, Baqtyǵalı Aıjigitov, Baqyt Qutpanbaev, Saıat Qamshyger, Talant Arynǵalı, Nurǵalı Oraz, Qadyrbek Qanypıauly, Tahsın Mýtallıbov, Narıman Abdýlrahmanly jáne t.b. sıaqty kórnekti qazaqstandyq jáne ázerbaıjandyq ǵylym, ádebıet jáne óner qaıratkerleri qatysty.
Konferensıa barysynda qatysýshylar K.Toqaev pen M.Pashaevtyń ómiri men shyǵarmashylyq joly týraly baıandamalar jasap, ózara mádenı yqpaldastyq arqyly túrki halyqtaryn odan ári jaqyndastyrýdyń mańyzdylyǵy týraly pikirlerimen bólisti.
İs-shara aıasynda K.Toqaevtyń ázerbaıjan tilinde jaryq kórgen «Túnde atylǵan oq» kitaby men M.Pashaevtyń qazaq tilinde basylyp shyqqan «Taýlardyń júregi» kitabynyń tusaýkeseri ótti. Túrki áleminiń kórkem sóz sheberleri shyǵarmalar jınaǵynyń tusaýkeserimen qatar, olardyń shyǵarmashylyǵyna arnalǵan kitabı-ıllústrasıalyq kórme uıymdastyryldy.
M.Otarbaev is-sharanyń ótýine baılanysty Qazaqstan Respýblıkasy Prezıdentiniń quttyqtaý hatyn oqyp, ony Ázerbaıjan tarapyna tapsyrdy. Memleket basshysynyń hatynda «Qazaq pen ázerbaıjan – ejelden týys, dos halyqtar. Baýyrlas elderdiń qarym-qatynasyn nyǵaıtýǵa Kaspıı teńizi arqyly jalǵasyp jatqan tatý kórshilik pen ekonomıkalyq yntymaqtastyq qana emes, qadirli qalamgerlerimiz ben kórnekti tulǵalarymyzdyń rýhanı baılanystary da zor septigin tıgizip keledi», - dep aıtylǵan.
Ázerbaıjan Mádenıet mınıstri Á.Kerımlı Ázerbaıjan Ulttyq kitaphanasynyń 100-jyldyǵyn merekeleýmen qatar ótip jatqan konferensıanyń eki eldiń ádebıeti men mádenıeti úshin mańyzdylyǵyn atap ótti.
Elshi Á. Baıel óz sózinde Qazaqstannyń qashanda Ázerbaıjanmen birge bolatynyn málimdedi. Sonymen qatar, dıplomat Prezıdent Q.Toqaev pen Prezıdent I. Álıev arasyndaǵy senimdi dıalogtyń arqasynda elderimiz arasyndaǵy jan-jaqty yntymaqtastyqtyń jańa deńgeıge shyǵyp otyrǵanyn atap ótti.
Mıllı Májilis Mádenıet komıtetiniń tóraıymy G. Pashaeva óz sózinde Qazaqstan men Ázerbaıjannyń baýyrlas halyqtary arasyndaǵy ortaq tarıhı tamyrlar, sondaı-aq eki eldiń mádenı yntymaqtastyǵy týraly aıtyp berdi. Depýtat K.Toqaevtyń ázerbaıjan tilindegi kitaby men M. Pashaevtyń qazaq tilindegi kitabynyń tusaýkeserin qazaq men ázerbaıjan halyqtary arasyndaǵy dostyqtyń jarqyn úlgisi dep atady.
Kemel Toqaevtyń ázerbaıjan tilindegi kitabyna alǵy sóz jazǵan detektıv janrynyń sheberi Ch.Abdýllaev Toqaev bıografıasynyń tańqalarlyq tustaryna toqtaldy.
Ulttyq Ǵylym akademıasynyń prezıdenti I. Gabıbbeılı qos jazýshy taǵdyrynyń uqsastyǵyna nazar aýdardy: ekeýi de ata-anasynan erte aırylyp, aǵalarynyń qamqorlyǵymen er jetti. Ekeýi de adamgershilik pen otanshyldyq sıaqty qundylyqtardy dáriptep, maıdangerlerdiń ómirin sýrettedi.
Konferensıa sońynda eki eldiń ulttyq kitaphanalarynyń basshylary Qazaqstannyń Ázerbaıjandaǵy Elshiligine is-sharany uıymdastyrýǵa qoldaý kórsetkeni úshin rızashylyqtaryn bildirdi, sondaı-aq qonaqtarǵa is-sharaǵa qatysqandary jáne Túrki áleminiń mádenı baılanystaryn damytýǵa qosyp otyrǵan úlesteri úshin alǵys bildirdi
