Bul týraly Senatta aıtyldy.
Ushaq keshikken jaǵdaıda, bılet qunynyń bir bóligi qaıtarylady. Senat qabyrǵasynda kólik jáne jer qoınaýyn paıdalaný máseleleri boıynsha zań jobasyn tanystyrǵan Indýstrıa jáne ınfraqurylymdyq damý mınıstri Qaıyrbek Óskenbaev aıtty. Qujatta ózge de kólikterdegi qaýipsizdik jaıy qozǵaldy, dep habarlaıdy Almaty-akshamy.kz.
Zańǵa engizilgeli otyrǵan qosymsha ózgeris áýe kompanıasynyń kinásinen ushaq ýaqytynda ushpasa, ár saǵatyna bılet aqysynyń 3 prosentin qaıtarýy kerek. Qaıyrbek Óskenbaevtyń aıtýynsha, jolaýshy aldymen áýe kompanıasyna aryz jazady. Odan nátıje shyqpasa, sot arqyly óz aqshasyn óndire alady. Sońǵy jyldary áýe kemelerinen kinárat bolyp jatqany málim. Mınıstr osy maqsatta keler jyly áýe qaýipsizdigin baqylaıtyn uıymnyń fılıaly ashylýy múmkin ekenin aıtty. Qujat qabyldansa, azamattyq avıasıa qyzmetin memlekettik baqylaý jáne qadaǵalaý tıimdiligi artady, kóliktik baqylaý kezinde sybaılas jemqorlyq táýekelderin joıý kózdelgen. Sondaı-aq túrli transporttardy paıdalanatyn jolaýshylardy, bagajdy jáne júkterdi tasymaldaý qaýipsizdigin kúsheıtý kózdelgen. Temirjol kóligindegi apattardy, sondaı-aq kemelerdegi avarıalyq jaǵdaılardy tergeýdiń tıimdiligin arttyrý jaıy da bar.