Bankrottyq boıynsha barlyq túsken ótinishterdiń 83 paıyzy qaralǵan.
Bul týraly Óńirlik komýnıkasıalar qyzmeti alańynda Almaty qalasy boıynsha Memlekettik kirister departamentiniń ókilderi baıandady, dep habarlaıdy Almaty-akshamy.kz.
«Qazaqstan Respýblıkasy azamattarynyń tólem qabilettiligin jáne bankrottyǵyn qalpyna keltirý týraly» zańdy iske asyrý aıasynda 3 naýryzdan bastap bankrottyq týraly azamattardyń ótinishterin qabyldaý bastaldy. Aǵymdaǵy jyldyń 24 sáýirindegi jaǵdaı boıynsha 3 662 ótinish tústi», - dedi Memlekettik kirister departamenti qaryzdarmen jumys basqarmasynyń basshysy Aıdos Býdýgýlov.
Ótinish berýshilerdiń 362-i AÁK alýshylar. Bes jyl boıy bereshegi bar 690 azamat júgingen.
Memlekettik kirister departamenti málimetinshe, búginde 3662 ótinishtiń 3055-i qaralǵan. Onyń ishinde 503 azamatqa qatysty sottan tys bankrottyq rásimi qozǵalǵan, bul túsken ótinishterdiń 14% paıyzyn quraıdy.
Azamattardyń 2 552 ótinishi boıynsha sottan tys bankrottyq boıynsha ótinish berýden bas tartty, keıbir nesıelik kelisimderdiń oryndalmaýynan – keshiktirý merzimi 12 aıdan aspaı, sonymen qatar múliktiń bar ekeni anyqtalady. Mundaı ótinishterdiń sany 70 paıyzdy quraıdy.
«Sottan tys tártipte bankrottyq týraly ótinish bergende belgili bir talaptar qoıylady. Azamattar bul tártipti 1600 AEK-ten joǵary (2023 jyly – 5 mln 520 myń teńge) jáne kredıtorlar aldyndaǵy bereshekterdiń barlyq túrleri boıynsha qoldana alady», - dep naqtylady brıfıń spıkeri.
605 ótinishke qatysty (bul barlyq túsken ótinishterdiń 16%-y) tekserý júrgizilýde.
Sot bankrottyǵyna qatysty búginge deıin 58 ótinish túsken. Olardyń ishinen:
- 6 azamatqa bankrottyq týraly azamattyq is qozǵaý týraly sot uıǵarymy shyǵarylyp, qarjy menedjerleri taǵaıyndalǵan.
- 32 azamat boıynsha sot aryzdy qaıtardy, aryzdy qabyldamaýdyń negizgi sebebi talap-aryzdyń talapqa sáıkes kelmeýi bolyp tabylady.
Sondaı-aq, azamattar bankrot dep tanylǵandyqtan, olarǵa 5 jyl boıy nesıe berilmeıtini eskertiledi.
Jýrnalıserdiń suraqtaryna jaýap bergen Aıdos Býdýgýlov ózin bankrot dep jarıalaǵysy keletin jeke tulǵalardyń árbir ótinishi 15 jumys kúni ishinde qaralatynyn basa aıtty. Bankrottyq rásiminiń ózi 6 aıǵa sozylady, onyń merzimi ótkennen keıin bankrot dep tanylǵan azamattardyń tizimi ýákiletti organnyń resmı saıtynda jarıalanady.
Sottan tys bankrottyq týraly ótinish berý úshin azamattar «e-Salyq Azamat» qosymshasy arqyly, sondaı-aq azamattarǵa arnalǵan Úkimet portalyna júgine alady. Sonymen qatar, HQO arqyly qaǵaz júzinde ótinish berýge bolady.
Al sottyń bankrottyq rásiminen ótýi úshin turǵylyqty jeri boıynsha sotqa júginý qajet.