Buǵan deıin astanalyq kelinshek úshem bosanǵany týraly habarlaǵan edik.
Úshemderdiń úsheýi de ul bolsa, bul joly saryǵashtyq jas ana Gúlmıra Daýrbaeva úsh qyzdy dúnıege ákeldi, dep habarlaıdy almaty-akshamy.kz.
Úsh qyzǵa Ámına, Sabına jáne Medına esimderi qoıyldy.
Saryaǵashtyq 38 jastaǵy kópbalaly ana dúnıege alyp kelgen nárestelerdiń salmaǵy 2 kg, 2 300 jáne 1 900 gram boldy. Batyr anaǵa dárigerler kesar tiligi arqyly ota jasap, bosandyryp alǵan. Qazirgi tańda merziminen buryn týǵan sábılerdiń jaǵdaıy birqalypty.
«Úshem bosanatynymdy alǵash estigen kezde qatty qobaljydym. 5 balaly bolǵan soń, sábıli bolýdy josparlamadym. Kútpegen jerden dárigerge qaralyp, úshemdi bolatynynymdy estigende basqasha sezimde boldym», - deıdi batyr ana.
Saryaǵashtyq batyr ana búginde 8 balanyń anasy atandy. Merziminen buryn dúnıe esigin ashqan nárestelerge jansaqtaý bóliminiń mamandary tarapynan erekshe kútim jasalǵan.
Aıta keteıik, №1 oblystyq perınataldyq ortalyqta 2023 jyly 158 egiz ben 2 úshem dúnıege keldi.