Qaıǵyly oqıǵadan keıin Qylmystyq kodekstiń 105-baby («ózin-ózi óltirýge deıin jetkizý») boıynsha sotqa deıingi tergeý bastalǵan.
Almaty qalasy polısıa departamentiniń resmı ókili Saltanat Ázirbektiń aıtýynsha, bul oqıǵaǵa qatysty qylmystyq is toqtatyldy, dep habarlaıdy Almaty-akshamy.kz
2021 jyldyń qarashasynda «Jetisý» shaǵynaýdanyndaǵy turǵyn úılerdiń birinde 28 jastaǵy áıel 2015, 2016 jáne 2019 jylǵy balalarymen birge 9-shy qabattan sekirip ketken.
Kelinshek pen eki bala oqıǵa ornynda kóz jumdy. Taǵy bir bala "jedel járdem" kóliginde jan tapsyrdy.
«Atalǵan fakt Áýezov aýdany polısıa basqarmasynda qylmystyq kodekstiń 105-baby («ózin-ózi óltirýge deıin jetkizý») boıynsha tirkeldi. Keshendi tergeý sharalary júrgizildi. Nátıjesinde qylmys quramynyń bolmaýyna baılanysty qylmystyq is toqtatyldy», - dedi Saltanat Ázirbek.