Bul týraly Qarjy naryǵyn retteý jáne damytý agenttiginiń (QNRDA) tóraıymy Mádına Ábilqasymova aıtty.
Qazaqstanda úsh aı ishinde 110 adam mıkroqarjy uıymdary (MQU) arqyly nesıelik alaıaqtyqtyń qurbany boldy, dep habarlaıdy Almaty-akshamy.kz
«2021 jylǵy 22 qazannan bastap 2022 jylǵy 21 qańtarǵa deıingi kezeńde 25 MQU-nyń atyna jeke tulǵalardan jalpy somasy 7,8 mln teńgege úshinshi tulǵalardyń alaıaqtyq tásilmen mıkrokredıtter resimdeýi týraly 110 ótinish kelip tústi, joǵaryda keltirilgen faktiler boıynsha málimetter quqyq qorǵaý organdaryna jiberildi», - dep habarlady Ábilqasymova Májilis depýtattarynyń saýalyna jaýap bere otyryp.
Onyń aıtýynsha, MQU azamattardyń 110 ótinishi boıynsha kelesi sharalardy qabyldady:
- 81 ótinish boıynsha 5,6 mln teńge somasyna bereshek esepten shyǵaryldy jáne bir mezgilde kredıttik tarıhqa túzetý júrgizildi;
- qalǵan 29 ótinish boıynsha syıaqy esepteý jáne talap-aryz jumysy toqtatyldy.
«Quqyq qorǵaý jáne (nemese) sot organdarynan alaıaqtyq faktisin rastaıtyn is júrgizý qujatyn alǵannan keıin mıkrokredıtterdi esepten shyǵarý jáne kredıttik tarıhty túzetý boıynsha is-sharalar júrgiziletin bolady», - dep naqtylady QNRDA basshysy.
Sondaı-aq, ol atalǵan kezeńde MQU-nyń atyna quqyq qorǵaý organdarynan bes MQU-da jalpy somasy 828 myń teńge bolatyn 24 shaǵyn nesıeni úshinshi tulǵalardyń resimdeýi týraly aqparat kelip túskenin aıtty.
«MQU 24 fakt boıynsha mynadaı sharalar qabyldady: eki fakt boıynsha 150 myń teńge somaǵa mıkrokredıtter esepten shyǵaryldy jáne azamattardyń kredıttik tarıhy túzetildi; 678 myń teńge somaǵa 22 fakt boıynsha syıaqy esepteý toqtatyldy, mıkrokredıtter esepten shyǵarylady. Osylaısha, memorandýmdy iske asyrý aıasynda ınternet-alaıaqtyq faktilerin joıý boıynsha jedel jáne tıimdi áreket etý júzege asyrylady», - dep sendirdi Ábilqasymova.