Memleket Prezıdenti Jarlyqqa qol qoıdy.
Memleket basshysy Qasym-Jomart Toqaev 2022 jylǵy 25 qańtardaǵy Jarlyǵymen Qazaqstan Respýblıkasy Memlekettik hatshysynyń ókilettikterine ózgerister engizdi, dep habarlaıdy Almaty-akshamy.kz Almaty.tv cilteme jasap.
Burynǵy qyzmetterinen bólek endi Memlekettik hatshyǵa mynadaı mindetter júkteledi:
- Memleket basshysynyń tapsyrmasy boıynsha saıası partıalarmen qarym-qatynasta Prezıdenttiń múddesin kózdeıdi;
- saıası qýǵyn-súrgin qurbandaryn tolyq aqtaý jónindegi memlekettik komısıanyń, Ulttyq qoǵamdyq senim keńesiniń jáne Jastar saıasaty jónindegi keńestiń qyzmetin úılestiredi;
- Prezıdent janyndaǵy Qazaqstan strategıalyq zertteýler ınstıtýtynyń qyzmetin qadaǵalaıdy;
- «Táýelsizdik urpaqtary» grantyn taǵaıyndaý boıynsha jumysty úılestiredi.
Sonymen qatar Memlekettik hatshy myna qyzmetterdi atqarady:
1) Qazaqstan Respýblıkasynyń Prezıdentine ishki saıasat salasyndaǵy strategıalyq usynystardy ázirleıdi;
2) Memleket basshysynyń atynan Memleket basshysynyń múddesin qorǵaıdy:
- Qazaqstan Respýblıkasynyń Parlamentimen jáne onyń palatalarymen, ózge de memlekettik organdarmen jáne qoǵamdyq birlestiktermen qarym-qatynasta;
- halyqaralyq qatynastarda;
3) myna qyzmetterdi úılestiredi:
- áleýmettik-gýmanıtarlyq sala máseleleri boıynsha jumystardy: bilim, ǵylym, mádenıet jáne sport;
- Memleket basshysynyń janyndaǵy konsýltatıvtik-keńesshi organdardyń jumysyn;
- Sybaılas jemqorlyqqa qarsy komısıalardyń, memlekettik nagradalar jónindegi komısıalardyń, azamattyq komısıalardyń jumysyn;
- Qazaqstan Respýblıkasy Tuńǵysh Prezıdenti – Elbasynyń Memlekettik Beıbitshilik jáne progres syılyǵyn berý jónindegi komısıanyń jumysyn;
- Memlekettik rámizder men vedimistik jáne olarǵa teńestirilgen ózge de nagradalar geraldıkasy máseleleri jónindegi respýblıkalyq komısıa jumysyn;
- Shetelde kadrlar daıarlaý jónindegi respýblıkalyq komısıa jumysyn;
- ál-Farabı atyndaǵy ǵylym men tehnıka salasyndaǵy memlekettik syılyqty berý jónindegi komısıa jumysyn;
- Abaı atyndaǵy ádebıet pen óner salasyndaǵy memlekettik syılyǵyn berý jónindegi komısıa jumysyn;
- Qoǵamdyq sanany jańǵyrtý baǵdarlamasyn iske asyrý jónindegi ulttyq komısıa jumysyn;
- Saıası qýǵyn-súrgin qurbandaryn tolyq aqtaý jónindegi memlekettik komısıa jumysyn;
- Ulttyq qoǵamdyq senim keńesi jáne jastar saıasaty jónindegi keńes jumysyn.
4) qoǵamdyq damý salasyndaǵy memlekettik taldaý qurylymdarynyń jumysyn úılestiredi;
5) Qazaqstan Respýblıkasy Prezıdentiniń tapsyrmalaryna sáıkes ózge de ókilettikterdi júzege asyrady.
Jarlyq qol qoıylǵan kúnnen bastap kúshine enedi.
Eske salaıyq, 2022 jylǵy 5 qańtarda Erlan Qarın Memleket basshysynyń Jarlyǵymen Qazaqstan Respýblıkasynyń Memlekettik hatshysy bolyp taǵaıyndaldy.