Salyqtan jaltaryp júrgen kásipkerler bar.
Olar taýardy satyp, tólemdi mobıldi aýdarym arqyly qabyldaıdy. Tıisinshe paıdanyń bir tıynyn da qazynaǵa qospaıdy. Al bul zańsyz. Bul týraly Memlekettik kirister komıteti habarlady. Elde mobıldi aýdarymdy kásipkerlik maqsatta paıdalanýǵa tyıym salynǵan, dep habarlaıdy Almaty-akshamy.kz 24.kz-ke silteme jasap.
Endi jaýapty organdar 2025 jylǵa deıin kezeń-kezeńimen aýdarymdardy baqylaýǵa alýdy josparlap otyr. Naqtyraq aıtsaq, úsh aı boıy turaqty túrde shotyna 100 adamnan aqsha túsken azamattar nazarǵa ilinedi. Bıyl memlekettik qyzmetkerler men olardyń jubaılary tekseriledi.
Kelesi jyly kvazımemlekettik sektor men memlekettik mekemelerdiń qyzmetkerleri, odan keıin jeke kásipkerler nazarǵa alynady. 2026 jyly qalǵan azamattardyń bank shottary baqylanady.
Aınur Sartaeva, QR QM Memlekettik kirister komıtetiniń resmı ókili: - Negizi jeke maqsatta paıdalanylatyn mobıldi aýdarymǵa eshqandaı shekteý joq. Mysaly, kez kelgen azamattyń jeke maqsatta aýdarymy bolady. Ol týysqandaryna, ata-anasyna, balasyna, dostaryna týǵan kúnine syılyq, qudaı joly, bata, toı bolyp jatady. Sondaı aýdarymdarǵa salyq salynbaıdy.