Mozaıkalyq týyndynyń jalpy aýmaǵy - 200 sharshy metr.
Ony «Jańa adamdar» jastar qozǵalysynyń belsendileri men qala turǵyndary jasap shyqty. «Bolashaqtyń qalasy» dep atalatyn kartınada elordanyń keleshektegi kelbeti salynǵan, dep habarlaıdy Almaty-akshamy.kz 24.kz-ke silteme jasap.
Tipti pazldaǵy sýretterdiń óz ereksheligi men astarly oıy bar. 1500 dana mozaıka bólshekterinen turatyn pazldy qurastyrý úshin 50 adam bilek sybana kiristi. Ideıa avtory Astananyń keleshektegi kelbetinen bólek, bas shahardyń búgingi túıitkildi máseleleriniń sheshim tapqan kórinisin týyndy arqyly kórsetken. Mysaly, jyr bolǵan LRT qurylysy, kishi Taldykóldiń taǵdyry, 5G jyldam ınternet jelisi sıaqty bas-aıaǵy 30-ǵa jýyq problemany alyp, mozaıkalyq pazlda beınelegen.
«Biz ártúrli qalanyń máselelerin aldyq jáne onyń sheshý joldaryn saldyq osy pazlǵa. Men ózim jalpy dızaıner bolyp tabylamyn. Bizdiń qozǵalystaǵy belsendilermen birge osy sýrettiń eskızin saldyq», - deıdi ıdeıa avtory Mıras Ahmetov.
Ideıa avtory men «Jańa adamdar» jastar qozǵalysynyń belsendileri mozaıkalyq týyndyny ázirleý úshin 2 aı ýaqyt jumsaǵan. Árbir sýrettiń óz aıtar oıy bar. Búgin ony qurastyrýǵa jasy da, jasamysy da bir kisideı atsalysty.
Alyp pazldy Astana qalasy ákimdiginiń dál aldynda qurastyrý da tegin emes. Uıymdastyrýshylar bılikke el Astanasynyń búgini men erteńgi kórinisi týraly oıymyzdy osylaı jetkizgimiz keldi deıdi. «Jańa adamdar» jastar qozǵalysynyń belsendileri keleshekte bul mozaıkalyq týyndyny qalanyń kórikti jerine ornalastyrýdy kózdep otyr.
Istochnık: https://24.kz/kz/zha-aly-tar/o-am/item/611302-astanada-aza-standa-y-e-lken-pazl-rastyryldy
Lúboe ıspolzovanıe materıalov dopýskaetsá tolko prı nalıchıı gıperssylkı na www.24.kz