Ótinimder 12 nomınasıa boıynsha qabyldanady
Baspa, radıo jáne ınternet-jýrnalıstıka salasyndaǵy úzdikterdi anyqtaıtyn «URKER» – 2023 ulttyq báıgesine ótinim qabyldaý bastaldy, dep habarlaıdy Almaty-akshamy.kz.
Aqparat jáne qoǵamdyq damý mınıstrliginiń aqparatynsha, baıqaýǵa medıakontent óndiretin jáne taratatyn respýblıkalyq, óńirlik jáne halyqaralyq radıostansıalar, baspa jáne ınternet-basylymdar qatysa alady.
Ótinim qabyldaý 9 tamyzdan bastap 4 qyrkúıekke deıin jalǵasady.
Konkýrctyq jumystar 2022 jylǵy 25 qyrkúıek pen 2023 jylǵy 8 tamyz aralyǵynda merzimdik basylymdarda, ınternet-resýrsta jarıalanýy ne radıoefırde shyqqan bolýy tıis. Ár úmitker baıqaýdyń tek eki nomınasıasyna qatysa alady (ekeýden artyq emes).
Ótinimder urker-awards.kz resmı saıtynda kelesi atalymdar boıynsha qabyldanady:
Jyldyń úzdik suhbaty;
Jyldyń úzdik reportajy;
Áleýmettik taqyryptaǵy úzdik materıal;
Jyldyń úzdik jýrnalısik zertteýi (Seıdahmet Berdiqulov atyndaǵy arnaıy nomınasıa);
Jyldyń úzdik analıtıkalyq materıaly;
Jyldyń úzdik jańalyqtar portaly;
Radıostansıadaǵy úzdik joba;
Jyldyń úzdik fotosýreti;
Úzdik óńirlik BAQ;
Úzdik halyqaralyq BAQ (baspa, radıo, ınternet-jýrnalıstıka salasyndaǵy);
Úzdik podkast;
Úzdik YouTube kanaly.
Báıgege túsetin jumystardy (materıaldardy) beldi jýrnalıser, salanyń eńbek sińirgen qaıratkerleri men halyqaralyq medıa sarapshylar – baıqaýdyń táýelsiz qazylar alqasy baǵalaıtyn bolady.
Konkýrs qorytyndysy boıynsha ár nomınasıanyń úzdigine – jeńimpaz ataǵy berilip, «URKER» – 2023 estelik músinshesi men 1 000 000 teńge mólsherindegi aqshalaı syıaqy tabystalady.
Ulttyq báıge uıymdastyrýshylary – Aqparat jáne qoǵamdyq damý mınıstrligi, «Medıa damytý qory» korporatıvtik qory.