Qazirgi ýaqytta Kárim Másimov qaı jerde otyrǵany týraly UQK málimdedi, dep habarlaıdy aqshamnews.kz.
Memlekettik opasyzdyq boıynsha sottalǵan eks-UQK basshysy Kárim Másimov áli de ýaqytsha ustaý ızolátorynda.
CMN.KZ Redaksıanyń resmı suraýyna jaýap retinde Ulttyq qaýipsizdik komıteti Kárim Másimovtiń Astanadaǵy UQK ýaqytsha ustaý ızolátorynda ekenin habarlady.
Oǵan qatysty Qazaqstan Respýblıkasy Qylmystyq kodeksiniń eki baby boıynsha aldyn ala tergeý júrgizilýde:
218-baptyń 3-bóliginiń 3-tarmaǵyna sáıkes: «Qylmystyq jolmen alynǵan aqsha men ózge múlikti zańdastyrý»;
366-baptyń 4-bólimi: «Óte iri mólsherde para alý».
Eske sala keteıik, 2023 jyldyń sáýir aıynda Astanadaǵy sot Kárim Másimovti memlekettik opasyzdyq, qańtar oqıǵalary kezinde bılikti kúshpen basyp alý áreketi jáne ókilettigin asyra paıdalaný úshin 18 jylǵa bas bostandyǵynan aıyrǵan bolatyn.