2024 jyly elimizdiń qutqarýshylary 83,3 myńnan astam shyǵýdy oryndady, onyń 10 myńy – órtke qarsy, 19 myńy – apatty-qutqarý jumystaryna baılanysty boldy, dep habarlaıdy aqshamnews.kz
Jyl basynan beri 14 myńnan astam adam qutqarylyp, 66,5 myńnan astam adam evakýasıalandy, al 8 myń adam alǵashqy medısınalyq-psıhologıalyq kómek aldy. Atalǵan derekter qutqarý qyzmetiniń tótenshe jaǵdaılarǵa daıyndyǵynyń joǵary deńgeıin rastaıdy.
TJ aldyn alýǵa erekshe nazar aýdarylady. Zamanaýı tehnologıalar, sonyń ishinde drondar men geoaqparattyq júıeler táýekelderdi ýaqtyly baqylaýǵa kómektesedi. Ormandarda órtti erte anyqtaý júıesin engizý tabıǵı órtterdiń sanyn ótken jylmen salystyrǵanda 2,6 esege azaıtýǵa múmkindik berdi. Sonymen qatar 2024 jyly qutqarý qyzmetteriniń materıaldyq-tehnıkalyq bazasyn jańartý jalǵasyn tapty. Pılottyq jobada Qostanaı oblysynda qutqarýshylar úshin jańa kıim-keshek sátti synaldy, al Astanada 3,5 aıdyń ishinde tez salynatyn konstrýksıalardan órt deposy salyndy. Munyń bári tótenshe jaǵdaılarǵa jedel ári tıimdi túrde den qoıýǵa yqpal etedi.