Elimizdiń birneshe óńirinde arnaıy operasıa júrgizildi.
2023 jylǵy 29 naýryzda UQK Qazaqstan Respýblıkasy İİM-men birlesip, eki vedomstvonyń arnaıy maqsattaǵy bólimshelerin tarta otyryp, iri aýqymda zańsyz qarý aınalymymen aınalysqan qylmystyq top áreketiniń jolyn kesti, dep habarlaıdy Almaty-akshamy.kz
Qylmystyq sqemanyń qatysýshylary oqsyz atylatyn, jaraqattaıtyn, belgi beretin jáne ózge de ólimge alyp kelmeıtin qarýdy keıinnen «qara» naryqta ótkizý úshin jaýyngerlikke qaıta jasaýmen aınalysqan.
Arnaıy operasıa Astana, Almaty qalalarynda jáne Aqtóbe, Almaty, Batys Qazaqstan, Qaraǵandy, Soltústik Qazaqstan jáne Túrkistan oblystarynda bir mezgilde júrgizildi.
"Nátıjesinde qylmystyq sqemaǵa qatysy bar degen kúdikpen 23 adam ustaldy. 32 avtomat, 88 tapansha, 37 myltyq (barlyǵy 157 birlik qarý), 9 granata jáne ártúrli kalıbrli 27390 oq-dári alyndy", - delingen QR UQK baspasóz qyzmeti taratqan aqparatta.
Qarý men oq-dáriler jasaýǵa arnalǵan arnaıy jabdyqtary men jınaqtary bar 7 qoldan jasalǵan sehtyń jasyryn áreketi joıyldy.
Ustaý aldynda uzaq jete tekserý júrgizilip, onyń barysynda ártúrli kalıbrli urys patrondary men oq-dárilerge keltirilip qoldan jasalǵan «Kalashnıkov» avtomatyn, úsh tapanshany jedel satyp alý júzege asyryldy.
"2023 jyldyń aqpanynda UQK Aqtóbe oblysynda uıymdastyrýshylary atalǵan UQT baılanysy bar qarýdy qoldan jasaýmen aınalysqan sheberhananyń jumysyn toqtatqanyn aıta ketý kerek", - dedi QR UQK baspasóz qyzmeti.
Jedel jolmen qylmystyq sqemanyń barlyq tizbegi ashyldy.
Qarýdy ótkizý tásilderi, sonyń ishinde «Darkshop» dep atalatyn Internettiń kóleńkeli segmentindegi saýda alańdary anyqtaldy.
Top músheleri qupıalylyq pen qaýipsizdiktiń qatań sharalaryn saqtaǵan, árqaısysynyń róli muqıat bólinip berilgen (jasaýshylar, satýshylar, deldaldar jáne t.b.).
Sotqa deıingi tergeý júrgizilýde.
Zańsyz qarý satý jáne satyp alýǵa qatysy bar basqa da adamdardy anyqtaý boıynsha jumys jalǵasýda.