Qylmystyq sqemany uıymdastyrýshy men onyń jaqtastary ustaldy.
Ulttyq qaýipsizdik komıteti esirtkimen aınalysatyn toptardyń qylmystyq jolmen kelgen qarjylaryn «tazartý» maqsatynda qoldanatyn krıptoalańdy anyqtaý jáne beıtaraptandyrý boıynsha alǵashqy arnaıy operasıasyn júrgizdi, dep habarlaıdy Almaty-akshamy.kz
Operasıa 2022 jylǵy qańtarda Qazaqstan, Ózbekstan men Reseıdiń «esirtki naryǵyn» psıhotroptyq zattarmen qamtamasyz etip otyrǵan jasyryn esirtki laboratorıasyn joıýdan bastaldy. Zańsyz aınalymnan esirtkiniń rekordtyq partıasy – 188 keli «mefedron» alyndy.
Arnaıy qyzmet qylmystyq kapıtaldy Qazaqstannan tys shyǵarý men ony «tazartý» sqemalaryn anyqtaý boıynsha sharalardy qolǵa aldy. Aqsha aýdarymdary qarjylyq aınalymda qajetti deńgeıde aıqyndalmaǵan krıptovalútada júrgizilgeni qıyndyqtar týdyrǵanyn atap ótý qajet.
UQK qylmystyq tizbektiń barlyq qatysýshylaryn anyqtaý arqyly, «bıtkoındardy» qolma-qol aqsha qylatyn krıptoaqsha aıyrbastaý ornyn tapty. Bul uıym Almatydaǵy ártúrli aqsha aıyrbastaý oryndarynyń qyzmetkerleri arqyly aqshany qolma-qol berip otyrǵany belgili boldy.
Memleket kirisine qylmystyq toptardyń esirtki is-áreketinen tapqan krıptovalútadaǵy 68 mln teńge qarjysy ótkizildi.