Qazirgi kezde jedel-tergeý is-sharalary jalǵasyp jatyr
QR Ulttyq qaýipsizdik komıtetiniń jedel qyzmetkerleri arnaýly maqsattaǵy bólimsheni jumyldyra otyryp, Almaty qalasynda qoǵamǵa qaýipti uıymdasqan qylmystyq top áreketiniń jolyn kesti, dep habarlaıdy Almaty-akshamy.kz.
«Arnaıy operasıa barysynda UQT 5 belsendi múshesi ustalyp, olardan Kalashnıkov avtomaty, Makarov tapanshasy, jaýyngerlik granata, tegis uńǵyly «sholaq» myltyq jáne sıntetıkalyq sıpattaǵy esirtki zaty tárkilendi», - dep habarlady QR UQK baspasóz qyzmeti.
Top músheleri densaýlyqqa aýyr zıan keltirý, asa iri kólemde esirtki zatyn satý maqsatynda saqtaý, qarý men oq-dárini zańsyz tasymaldaý jáne saqtaý qylmystaryn jasady degen kúdikke ilingen, -dep jazdy Azattyq Ruhy.
«Úsh kúdikti tergeý sotynyń ruqsatymen qamaýǵa alynyp, qalǵandaryna qatysty qajetti tergeý is-qımyldary júrgizilip jatyr. Qoldanylǵan sharalar Almaty qalasynyń qylmystyq ahýalyn jaqsartýǵa jáne qylmystyq ortanyń qoǵamǵa áserin álsiretýge baǵyttalǵan», - delingen vedomstvo habarlamasynda.
Qazirgi kezde jedel-tergeý is-sharalary jalǵasyp jatyr.
Qylmystyq-prosessýaldyq kodekstiń 201-babyna sáıkes ózge aqparat tergeý múddesinde jarıa etýge jatpaıdy.
Konstıtýsıanyń 77-baby 3-tarmaǵy 1-tarmaqshasyna jáne Qylmystyq-prosessýaldyq kodekstiń 19-baby 1-bóligine sáıkes adamnyń kináli ekendigi zańdy kúshine engen sot úkimimen tanylǵansha ol jasalǵan qylmysqa kináli emes dep esepteledi.
