8 qańtardan bastap Almaty qalasy men Almaty oblysynda UQK, İshki ister jáne Qorǵanys mınıstrlikteri men Ulttyq ulannyń arnaıy bólimshelerinen quralǵan kúsh 675 kúdiktini ustady
Bul jaıynda Ulttyq qaýipsizdik komıteti resmı málimet taratty, dep habarlaıdy Almaty-akshamy.kz
Jeke basyn tekserý jáne avtomobılder men úı-jaılardy tintý barysynda demonstranttardyń polısıadan tartyp alǵan qarý-jaraqtar, oq-dáriler, quqyq qorǵaý organdary qyzmetkerleriniń jalǵan qujattary, ólimge ákep soqtyrmaıtyn quraldar (jaryq-dybystyq granatalar, shlemder, qalqandar, amýnısıa) jáne tonalǵan múlikter (turmystyq tehnıka, mobıldi qurylǵylar, kıim jáne basqalar) tabylyp jatyr.
«Barlyq azamattardy quqyq qorǵaý jáne arnaıy organdarǵa quqyqtyq tártipti turaqtandyrý men qalpyna keltirýde kómek kórsetýge shaqyramyz», - dep eskertedi komıtet.